პოლონეთის ქალაქ ჟეშუვში, UEFA-ს ორგანიზებით გაიმართა კონფერენცია ახალგაზრდა ქალი ფეხბურთელების განვითარების თემაზე. ღონისძიებას ესწრებოდნენ საქართველოს ქალთა ნაკრების მთავარი მწვრთნელი ირის ანტმანი და ფიზმომზადების მწვრთნელი აკაკი კუპრეიშვილი. სემინარი მიზნად ისახავს მონაწილეების ცოდნის გაღრმავებას ისეთი საკითხებში, როგირიცაა: ტალანტის იდენტიფიცირება, მათი განვითარება, მონიტორინგი და მათთვის ინდივიდუალური პროგრამების შექმნა.  ღონისძიება პოლონეთში მიმდინარე უეფას 19-წლამდე გოგონათა ევროპის ჩემპიონატის პარალელურად ჩატარდა, რომლის ფარგლებში სემინარის მონაწილეები ტურნირის შეხვედრას დაესწრნენ საფრანგეთის და პოლონეთის ნაკრებებს შორის. 

საქართველოს ახალგაზრდული ნაკრების მცველმა, საბა საზონოვმა 21-წლამდე ევროპის ჩემპიონატზე ასპარეზობა დაასრულა.  საფრანგეთთან მატჩში მიღებული ტრავმის გამო, ქართველმა ფეხბურთელმა ტურნირი ნაადრევად დატოვა. ფეხბურთელის ტრავმის ხარისხი ეროვნული ნაკრების და კლუბის სამედიცინო შტაბებს შორის კოორდინაციის შედეგად, რამდენიმე დღეში დაზუსტდება. ალექსანდრე იაშვილი (სფფ-ის ვიცე-პრეზიდენტი): "მინდა მადლობა გადავუხადო საბა საზონოვს თავდაუზოგავი შრომისთვის და თავდადებისთვის. მისი დამოკიდებულება ეროვნული ნაკრების მიმართ, ნათელი მაგალითია ყველასთვის, თუ რას ნიშნავს საკუთარი ქვეყნის მაისურით თამაში".  საბა საზონოვმა 21-წლამდე ევროპის ჩემპიონატის ორ შეხვედრაში მიიღო მონაწილეობა და საფრანგეთთან შეხვედრაში თავი გოლით გამოიჩინა. 

საქართველოს ახალგაზრდული ნაკრები უეფას 21-წლამდე ევროპის ჩემპიონატის ჯგუფური ეტაპის დასკვნითი მატჩისთვის ემზადება.  17 ივნისს, რამაზ სვანიძის გუნდი პორტუგალიის ნაკრებს ტრენჩინში დაუპირისპირდება. მატჩისწინა ვარჯიში ჩვენმა გუნდმა ჟაბოკრეკის ბაზაზე გამართა. საწვრთნელი პროცესის დაწყებამდე გაიმართა ტრადიციული მატჩისწინა პრესკონფერენცია, სადაც მთავარ მწვრთნელთან ერთად მედიის კითხვებს გიორგი აბუაშვილმა უპასუხა.  რამაზ სვანაძე (21-წლამდე ნაკრების მწვრთნელი): "განწყობა ძალიან კარგია. სხვანაირად არც შეიძლება იყოს, რადგან ვიმყოფებით ევროპის ჩემპიონატზე. ვთამაშობთ ძალიან მაღალი დონის თამაშებს და ჯგუფური ეტაპის ბოლო ტურის წინ გვაქვს რეალური შანსი, რომ კიდევ ერთხელ გავაკეთოთ დიდი საქმე ქვეყნისთვის და გავახაროთ ჩვენი გულშემატკივრები. მხოლოდ საკუთარ თავზე ვართ დამოკიდებულები.  ამ ნაკრებმა ბევრი რამ დაამტკიცა. მათ შორის ის, რომ ეს გუნდი უკვე შედგა. მიუხედავად იმისა, თუ რა ანგარიშით დასრულდება ხვალინდელი შეხვედრა. ისევე როგორც წინა თაობა იყო წარმატებული, ეს თაობაც ერთ-ერთი ყველაზე წარმატებულია ახალგაზრდული ნაკრების ისტორიაში. ხვალ, ყველაფერი გაკეთდება იმისთვის, რომ ურთულეს მეტოქესთან დავაფიქსიროთ სასურველი შედეგი. მინდა ვნახო მოედანზე გუნდი, რომელიც ბოლო ორი წლის განმავლობაში გვყავდა. ის ფილოსოფია და მენტალობა, რომელიც სულ გვქონდა. წინა თამაშებმა ძალიან დიდი ენერგია წაიღო და დღესაც აღდგენის პროცესი მიმდინარეობს. გვყავს ფეხბურთელთა ჯგუფი, რომელიც ამ რიტმში თამაშს არ არის შეჩვეული. თუმცა, ხვალ ისეთი დღეა, რომ თითოეული ჩვენგანი საკუთარ თავს უნდა გადაახტეს და ვეცდებით, რომ ეს გავაკეთოთ".  გიორგი აბუაშვილი (21-წლამდე ნაკრების წევრი): "ყველაფერს გავაკეთებთ, რომ ის ხასიათი გამოვავლინოთ ხვალინდელ შეხვედრაში, რაც ყოველთვის ჰქონდა ამ ნაკრებს. გვინდა, მოედანზე გავიდეთ და ღირსეულად წარმოვაჩინოთ ჩვენი ქვეყანა. რთულია, ამ ინტენსივობით თამაში, თუმცა ხვალაც ანალოგიურ თამაშს ველოდებით და მზად ვართ როგორც მენტალურად, ისე ფიზიკურად. ვიცით მეტოქის ძლიერი და სუსტი მხარეები. ყველაფერს გავაკეთებთ, რომ დაშვებული შეცდომებით გამოვასწოროთ, მოვიგოთ და ჯგუფიდან გავიდეთ". საქართველო - პორტუგალიის მატჩი 17 ივნისს, თბილისის დროით 20:00 საათზე დაიწყება. მატჩის პირდაპირ რეპორტაჟს Setanta Sports Georgia შემოგთავაზებთ.  {"preview_thumbnail":"/files/styles/video_embed_wysiwyg_preview/public/video_thumbnails/E0Z5q5I6Dmw.jpg?itok=mUUoJNVf","video_url":"https://youtu.be/E0Z5q5I6Dmw","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} U21 | შემადგენლობა მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი). მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (პოლისია ჟიტომირი, უკრაინა), ლადო ოდიშვილი (თელავი), საბა საზონოვი (ემპოლი, იტალია), ირაკლი აზაროვი (დონეცკის შახტარი, უკრაინა). ნახევარმცველები: ოთარ მამაგეიშვილი (ფამალიკაო, პორტუგალია), ლუკა გაგნიძე (კრილია სოვეტოვი, რუსეთი), ირაკლი იეგოიანი (ვიტესი, ნიდერლანდები), ნოდარ ლომინაძე (დინამო თბილისი), გაბრიელ სიგუა (ბაზელი, შვეიცარია), ლევან ოსიყმაშვილი (ჰაპოელ ჰადერა, ისრაელი), თორნიკე მორჩილაძე (დინამო თბილისი). თავდამსხმელები: გიორგი კვერნაძე (ფროზინონე, იტალია), ვასილიოს გორდეზიანი (სარაევო, ბოსნია და ჰერცეგოვინა), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა, ლატვია).