საქართველო 10:1 ესტონეთი საქართველოს ფუტსალის ეროვნულმა ნაკრებმა ესტონეთთან მეორე ამხანაგური მატჩი გამართა. პირველი შეხვედრის მსგასვად (5:0), თბილისის ოლიმპიურ სასახლეში ჩატარებული მეორე მატჩი ჩვენმა გუნდმა დიდი ანგარიშით მოიგო - 10:1.  ესტონეთის წინააღმდეგ გიორგი ღავთაძემ ოთხი გოლი გაიტანა, დუბლი შეასრულეს ლევან სვანიძემ და ჯანიკო გიორგაიამ. გატანილი გოლებით ასევე თავი ჯანო კვარაცხელიამ და შოთა თოფურიამ გამოიჩინეს.   ესტონეთის წინააღმდეგ ჩატარებული მატჩები ევრო 2026-ისთივს მოსამზადებელი ეტაპის ნაწილი იყო. ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. საქართველოს ნაკრები A ჯგუფში იასპარეზებს, სადაც ჩვენი გუნდის მეტოქეები ლატვია, ხორვატია და საფრანგეთი იქნებიან.  {"preview_thumbnail":"/files/styles/video_embed_wysiwyg_preview/public/video_thumbnails/VxMrpNl0yJI.jpg?itok=E5Mn6smF","video_url":"https://youtu.be/VxMrpNl0yJI","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველო 5:0 ესტონეთი საქართველოს ფუტსალის ეროვნულმა ნაკრებმა ესტონეთთან პირველი ამხანაგური მატჩი გამართა. თბილისის ოლიმპიურ სასახლეში ჩატარებული შეხვედრა ჩვენი გუნდის დამაჯერებელი გამარჯვებით, 5:0 დასრულდა. ავთანდილ ასათიანის გუნდმა პირველი ტაიმი გიორგი ღავთაძის ეფექტური გოლით მოიგო. შესვენების შემდეგ სტუმართა კარში გოლები არჩილ სებისკვერაძემ, გიორგი ჩიმაკაძემ, საბა ტყეშელაშვილმა და ლევან სვანიძემ გაიტანეს. ესტონეთის წინააღმდეგ მეასე სანაკრებო მატჩი ჩაატარა ჩვენი გუნდის მეკარემ, თორნიკე ბუკიამ, რომელიც დღევანდელ შეხვედრაში საქართველოს ნაკრების კაპიტანი იყო. საქართველოს და ესტონეთის ნაკრებების მეორე ამხანაგური შეხვედრა 10 ნოემბერს შედგება. მატჩი თბილისის ოლიმპიურ სასახლეში გაიმართება და 17:00 საათზე დაიწყება. პირდაპირ რეპორტაჟს პირველი არხი სპორტი შემოგთავაზებთ.  {"preview_thumbnail":"/files/styles/video_embed_wysiwyg_preview/public/video_thumbnails/XXa4mFlktHo.jpg?itok=W9fUfkKZ","video_url":"https://youtu.be/XXa4mFlktHo","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ფუტსალის ეროვნული ნაკრები ევროპის ჩემპიონატისთვის მზადებას განაგრძობს.  9-10 ნოემბერს, ავთანდილ ასათიანის გუნდი ესტონეთთან ამხანაგურ მატჩებს გამართავს. მოახლოებული თამაშებისთვის ნაკრები თამაშის მასპინძელ ოლიმპიურ სასახლეში ემზადება.  9 ნოემბრის შეხვედრა 18:00 საათზე დაიწყება და ნაკრების მეკარისთვის, თორნიკე ბუკიასთვის მე-100 სანაკრებო მატჩი იქნება. 10 ნოემბრის შეხვედრა 17:00 საათზე დაიწყება. ორივე მატჩის პირდაპირ რეპორტაჟს პირველი არხი სპორტი შემოგთავაზებთ. დასწრება თავისუფალია.  საქართველოს ნაკრების შემადგენლობა მეკარე: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი) წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ირაკლი თოდუა (ნიუ-ვიჟენ ჯორჯიანსი), ჯანიკო გიორგაია (კსუ), არჩილ სებისკვერაძე (კსუ), ნიკა ხარატიშვილი (ისტიკლოლი, ტაჯიკეთი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი) {"preview_thumbnail":"/files/styles/video_embed_wysiwyg_preview/public/video_thumbnails/HlgeESDt-ZY.jpg?itok=Jvutso6m","video_url":"https://youtu.be/HlgeESDt-ZY","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ფუტსალის ეროვნული ნაკრები ევრო 2026-ისთვის მზადებას განაგრძობს.  9 და 10 ნოემბერს, ჩვენი გუნდი ორ ამხანაგურ თამაშს ესტონეთის ეროვნული ნაკრების წინააღმდეგ ჩაატარებს. პირველი მატჩი 18:00 საათზე დაიწყება, ხოლო მეორე შეხვედრა 17:00 საათზე. ორივე თამაშს თბილისის ოლიმპიური სასახლე უმასპინძლებს. მოახლოებული ამხანაგური მატჩებისთვის ჩვენი გუნდი 15 ფეხბურთელით ემზადება.  საქართველოს ნაკრების შემადგენლობა მეკარე: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი) წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ირაკლი თოდუა (ნიუ-ვიჟენ ჯორჯიანსი), ჯანიკო გიორგაია (კსუ), არჩილ სებისკვერაძე (კსუ), ნიკა ხარატიშვილი (ისტიკლოლი, ტაჯიკეთი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი) მედიის წარმომადგენელთა საყურადღებოდ: საქართველო - ესტონეთის მატჩებზე აკრედიტაციის მოთხოვნა შეგიძლიათ გამოაგზავნოთ 7 ნოემბრის ჩათვლით [email protected]ზე.  ორგანიზაციამ ოფიციალურ წერილში უნდა მიუთითოს აკრედიტაციის მიღების მსურველი მედიის წარმომადგენლის სახელი, გვარი, პოზიცია და საკონტაქტო ინფორმაცია. გთხოვთ გაითვალისწინოთ, რომ ორგანიზაციის ოფიციალური წერილის გარეშე გამოგზავნილი მოთხოვნები არ განიხილება.

24 ოქტომბერს, კაუნასში, ფუტსალის ევროპის ჩემპიონატის ფინალური ეტაპის წილისყრა გაიმართა.  წილისყრის შედეგად ევროპის 16 გუნდი ოთხ ჯგუფში გადანაწილდა. ცნობილი გახდა ისიც, თუ რომელ ქალაქში გამართავს ჯგუფური ეტაპის მატჩებს საქართველოს ნაკრები.  ჩვენი გუნდი A ჯგუფში მოხვდა, სადაც ჩვენი მეტოქეები საფრანგეთი, ხორვატია და ჯგუფის მასპინძელი ლატვია იქნებიან. თითოეული ჯგუფიდან მეოთხედფინალში პირველ და მეორე ადგილზე გასული გუნდები გავლენ. საქართველოს ნაკრები ჯგუფური ეტაპის მატჩებს კაუნასსა და რიგაში გამართავს. წილისყრას ქალაქ კაუნასში ფუტსალის ნაკრების მთავარი მწვრთნელის ასისტენტი ბესო არველაძე დაესწრო. ფუტსალის ევრო 2026 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. ჯგუფური ეტაპის კალენდარი 21 იანვარი | ლატვია - საქართველო (რიგა, ლატვია) 25 იანვარი | ხორვატია - საქართველო (რიგა, ლატვია) 28 იანვარი | საქართველო - საფრანგეთი (კაუნასი, ლიეტუვა) {"preview_thumbnail":"/files/styles/video_embed_wysiwyg_preview/public/video_thumbnails/ScgeC_D_xZE.jpg?itok=Ia2JJduW","video_url":"https://youtu.be/ScgeC_D_xZE","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველო 2:2 ყირგიზეთი საქართველოს ფუტსალის ეროვნულმა ნაკრებმა ყირგიზეთთან მეორე ამხანაგური მატჩი გამართა. პირველი შეხვედრის მსგავსად, რომელიც ჩვვენმა გუნდმა 3:2 მოიგო, მეორე შეხვედრაც გარდამავალი უპირატესობით წარიმართა და ფრედ, 2:2 დასრულდა.  ყირგიზეთის ნაკრებმა პირველი ტაიმი ორბურთიანი უპირატესობით მოიგო. შესვენების შემდეგ, საქართველოს ნაკრებმა ჩიმაკაის და გაბრიჩიძის გოლებით შეძლო ანგარიშის გათანაბრება.  ყირგიზეთის წინააღმდეგ ჩატარებული მატჩები ევრო 2026-ისთივს მოსამზადებელი ეტაპის ნაწილი იყო. ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. ჯგუფური ეტაპის წილისყრა 24 ოქტომბერს, კაუნასში შედგება. {"preview_thumbnail":"/files/styles/video_embed_wysiwyg_preview/public/video_thumbnails/hj-M7RjVEJY.jpg?itok=bI0raZVy","video_url":"https://youtu.be/hj-M7RjVEJY","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველო 3:2 ყირგიზეთი საქართველოს ფუტსალის ეროვნულმა ნაკრებმა ყირგიზეთის წინააღმდეგ პირველი ამხანაგური მატჩი გამართა. თბილისი არენაზე ჩატარებული შეხვედრა ჩვენი გუნდის გამარჯვებით, 3:2 დასრულდა.  საქართველოს ნაკრებმა მეტოქე ჯანო კვარაცხელიას, ჯანიკო გიორგაიას და გიორგი ჩიმაკაძის გოლებით დაამარცხა.  მატჩის დაწყებამდე, სფფ-ის პირველმა ვიცე-პრეზიდენტმა, კახა ჭუმბურიძემ და ფუტსალის ასოციაციის პრეზიდენტმა, ლევან ცქიტიშვილმა საქართველოს ნაკრების რიგებში ჩატარებული 100 მატჩის აღსანიშნავად, ირაკლი თოდუას და შოთა თოფურიას ეროვნულის ნაკრების 100-ნომრიანი ფორმები გადასცეს. თოდუამ მეასე შეხვედრა სლოვაკეთის წინააღმდეგ, ევრო 2026-ის პლეი-ოფში ჩაატარა, ხოლო თოფურიასთვის სწორედ ყირგიზეთთან მატჩი იყო მეასე სანაკრებო თამაში.  საქართველოს და ყირგიზეთის ნაკრებების მეორე ამხანაგური შეხვედრა 20 ოქტომბერს, 17:00 საათზე, თბილისის ოლიმპიურ სასახლეში გაიმართება. შეხვედრის პირდაპირ რეპორტაჟს პირველი არხი სპორტი შემოგთავაზებთ. 

საქართველოს ფუტსალის ეროვნული ნაკრები ევრო 2026-ისთვის მზადების ფარგლებში ორ ამხანაგურ მატჩს გამართავს.  18 და 20 ოქტომბერს, ჩვენი გუნდი ორ თამაშს ყირგიზეთის ეროვნული ნაკრების წინააღმდეგ ჩაატარებს. პირველი მატჩი თბილისი არენაზე გაიმართება, ხოლო მეორე შეხვედრა თბილისის ოლიმპიურ სასხლეში. ორივე თამაში 17:00 საათზე დაიწყება და პირდაპირ რეპორტაჟს პირველი არხი სპორტი შემოგთავაზებთ.  მოახლოებული ამხანაგური მატჩებისთვის ჩვენი გუნდი 15 ფეხბურთელით ემზადება.  {"preview_thumbnail":"/files/styles/video_embed_wysiwyg_preview/public/video_thumbnails/DHSlzySiBo4.jpg?itok=ei03AaIO","video_url":"https://youtu.be/DHSlzySiBo4","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველოს ნაკრების შემადგენლობა მეკარე: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი) წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ირაკლი თოდუა (ნიუ-ვიჟენ ჯორჯიანსი), ჯანიკო გიორგაია (კსუ), ნიკა ხარატიშვილი (ისტიკლოლი, ტაჯიკეთი), ნიკოლოზ გაბრიჩიძე (ნიუ-ვიჟენ ჯორჯიანსი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი) მედიის წარმომადგენელთა საყურადღებოდ: მედია აკრედიტაციები გაიცემა 18 და 20 ოქტომბერს, 16:00 საათიდან.

სლოვაკეთი - საქართველო 5:3 (6:7) საქართველოს ფუტსალის ეროვნული ნაკრები ევროპის ჩემპიონატის ფინალურ ეტაპზე გავიდა. ავთანდილ ასათიანის გუნდმა სლოვაკეთის ნაკრებთან თბილისში მოპოვებული უპირატესობა შეინარჩუნა და ზედიზედ მეორე ითამაშებს ევროპის მთავარ სანაკრებო ტურნირზე.  ბრატისლავაში გამართული დრამატული და უხვგოლიანი მატჩი სლოვაკეთმა 5:3 მოიგო, თუმცა ორი თამაშის ჯამში ჩვენმა გუნდმა მეტოქე 7:6 დაამარცხა. სლოვაკეთთან შეხვედრაში გოლები გიორგი ჩიმაკაძემ, არჩილ სებისკვერაძემ და ირაკლი თოდუამ გაიტანეს, რომელიც ბრატისლავაში მეასე სანაკრებო მატჩს ატარებდა. ირაკლი თოდუა საქართველოს ნაკრებში 2014 წლიდან თამაშობს და ამ დროის განმავლობაში მის ანგარიშზე 29 გოლი და 21 საგოლე პასია. ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. ჯგუფური ეტაპის წილისყრა 24 ოქტომბერს შედგება. საქართველოს ფუტსალის ნაკრების დებიუტი ევროპის ჩემპიონატზე 2022 წელს შედგა. სადებიუტო ევროზე ჩვენმა გუნდმა ჯგუფური ეტაპი წარმატებით გადალახა და ევროპის რვა საუკეთესო ნაკრებს შორის მოხვდა. {"preview_thumbnail":"/files/styles/video_embed_wysiwyg_preview/public/video_thumbnails/dr-g9jtYKcA.jpg?itok=CpzRemYV","video_url":"https://youtu.be/dr-g9jtYKcA","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

23 სექტემბერს, საქართველოს ფუტსალის ეროვნული ნაკრები ევროპის ჩემპიონატის პლეი-ოფის საპასუხო მატჩს სლოვაკეთის წინააღმდეგ გამართავს. მატჩამდე ერთი დღით ადრე, ავთანდილ ასათიანის გუნდმა ბრატისლავაში, მატჩის მასპინძელ გოპას არეანზე ივარჯიშა. საწვრთნელ პროცესში 16 ფეხბურთელი მონაწილეობდა. მათ შორის ჩვენი გუნდის კაპიტანი, ირაკლი თოდუა, რომელიც ხვალინდელ შეხვედრაში მეასედ მოირგებს ეროვნული ნაკრების მაისურს. მატჩისწინა ვარჯიშს საქართველოს ეროვნული საფეხბურთო ნაკრების კაპიტანი, გურამ კაშია, დაესწრო და ფუტსალის ნაკრებს გადამწყვეტ მატჩში წარმატება უსურვა. სლოვაკეთი - საქართველოს შეხვედრა 23 სექტემბერს, თბილისის დროით 20:30 საათზე დაიწყება. თბილისში მოპოვებული გამარჯვების (4:1) შემდეგ, საპასუხო შეხვედრას ჩვენი გუნდი 3-ბურთიანი უპირატესობით ხვდება. მატჩის პირდაპირ რეპორტაჟს პირველი არხი სპორტი შემოგთავაზებს. {"preview_thumbnail":"/files/styles/video_embed_wysiwyg_preview/public/video_thumbnails/pySj2RjDKNI.jpg?itok=QIgLc1Nc","video_url":"https://youtu.be/pySj2RjDKNI","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ფუტსალის ეროვნული ნაკრები ევროპის ჩემპიონატის საკვალიფიკაციო ეტაპის პლეი-ოფის საპასუხო მატჩისთვის ემზადება. ავთანდილ ასათიანის გუნდი ბრატისლავაში 20 სექტემბერს ჩავიდა. 21 სექტემბერს კი, საქართველოს ნაკრებმა სლოვაკეთში პირველი ვარჯიში გამართა. საწვრთნელ პროცესში 16 ფეხბურთელი მონაწილეობდა. სლოვაკეთთან საპასუხო შეხვედრა 23 სექტემბერს, ბრატისლავის გოპას არენაზე გაიმართება. თბილისში მოპოვებული დამაჯერებელი გამარჯვების (4:1) შემდეგ, საქართველოს ნაკრები განმეორებით შეხვედრას სამბურთიანი უპირატესობით ხვდება. სლოვაკეთი - საქართველოს მატჩი თბილისის დროით 20:30 საათზე დაიწყება. შეხვედრის პირდაპირ რეპორტაჟს პირველი არხი სპორტი შემოგთავაზებთ. საქართველოს ნაკრების შემადგენლობა მეკარე: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი) წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), არჩილ სებისკვერაძე (კსუ), ირაკლი თოდუა (ნიუ-ვიჟენ ჯორჯიანსი), ვახტანგ ჯვარაშვილი (ნიუ-ვიჟენ ჯორჯიანსი), ნიკა ხარატიშვილი (ისტიკლოლი, ტაჯიკეთი), ნიკოლოზ გაბრიჩიძე (ნიუ-ვიჟენ ჯორჯიანსი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), ნიკოლოზ კურტანიძე (პსპ), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი) {"preview_thumbnail":"/files/styles/video_embed_wysiwyg_preview/public/video_thumbnails/hhS9EINgaOg.jpg?itok=n0Th_BWu","video_url":"https://youtu.be/hhS9EINgaOg","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველო 4:1 სლოვაკეთი საქართველოს ფუტსალის ეროვნულმა ნაკრებმა ევროპის ჩემპიონატის საკვალიფიკაციო ეტაპის პლეი-ოფის პირველ შეხვედრაში სლოვაკეთი დაამარცხა. თბილისის ოლიმპიურ სასახლეში გამართული მატჩი ჩვენი გუნდის გამარჯვებით, 4:1 დასრულდა. სლოვაკეთის ნაკრების კარში გოლები გიორგი ჩიმაკაძემ და შოთა თოფურიამ გაიტანეს, ხოლო არჩილ სებისკვერაძემ დუბლი შეასრულა. საპასუხო მატჩი 23 სექტემბერს ბრატისლავაში გაიმართება. ორი შეხვედრის ჯამში გამარჯვებული გუნდი ევროპის 2026 წლის ჩემპიონატზე ითამაშებს. ევრო 2026 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. {"preview_thumbnail":"/files/styles/video_embed_wysiwyg_preview/public/video_thumbnails/leWw0puSYoQ.jpg?itok=15NO8W8Q","video_url":"https://youtu.be/leWw0puSYoQ","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}