საქართველოს ეროვნული ნაკრები ზაფხულის სანაკრებო პაუზის მეორე შეხვედრას ბაჰრეინის წინააღმდეგ გამართავს.   საერთაშორისო ამხანაგური მატჩი 5 ივნისს, თბილისში, მიხეილ მესხის სახელობის სტადიონზე გაიმართება.  ბაჰრეინთან ამხანაგური თამაში 2026 წლის შემოდგომაზე გასამართი ერთა ლიგის ჯგუფური ეტაპის მატჩებამდე ბოლო მოსამზადებელი შეხვედრა იქნება.  ბაჰრეინთან დაპირისპირებამდე, საქართველოს ნაკრები ზაფხულის სანაკრებო პაუზის პირველ მატჩს 2 ივნისს, რუმინეთის წინააღმდეგ ჩაატარებს.

ლიეტუვა 0:2 საქართველო საქართველოს ეროვნულმა ნაკრებმა ლიეტუვის ნაკრები დაამარცხა. კაუნასში ჩატარებული ამხანაგური მატჩი ჩვენმა გუნდმა ორბურთიანი უპირატესობით მოიგო — 0:2. პირველი ტაიმი უგოლოდ დასრულდა, შესვენების შემდეგ კი გიორგი მიქაუტაძემ დუბლი შეასრულა. 70-ე წუთზე ჩვენი გუნდის შემტევმა 11-მეტრიანი გაიტანა, 84-ე წუთზე კი ნიკა გაგნიძის პასით დააფიქსირა საბოლოო ანგარიში.  საქართველოს ნაკრები მომდევნო მატჩს ივნისის სანაკრებო პაუზის ფარგლებში გამართავს. 2 ივნისს, თბილისში, ჩვენი გუნდის მეტოქე რუმინეთის ნაკრები იქნება. ვილი სანიოლი (ეროვნული ნაკრების მთავარი მწვრთნელი): "ჩვენი თამაშიდან გამომდინარე, გამარჯვება ლოგიკური იყო. დღევანდელი შეხვედრის გათვალისწინებით, ისრაელთან 2:2-იც კიდევ უფრო საინტერესო ხდება. ვფიქრობ, მარტში რამდენიმე კარგი რამ ვაჩვენეთ. მაგრამ ისიც ვიცით, რომ გასაუმჯობესებელი კიდევ ბევრია, თუ გვინდა, რომ შემოდგომაზე ერთა ლიგის მატჩები მაღალ დონეზე ჩავატაროთ. ამხანაგური თამაშები სწორედ ამისთვის არის — რომ გავაუმჯობესოთ ჩვენი შესაძლებლობები შეტევაში, დაცვაში და გუნდურ თამაშის მხრივ.  მეორე ტაიმში ძალიან მომეწონა კვარაცხელიას თამაში. ის იყო ნამდვილი კაპიტანი და ლიდერი. ვფიქრობ, გუნდმაც ბევრი დადებითი მიიღო მისი ასეთი თამაშით. ძალიან პოზიტიურია, როდესაც კვარაცხელია, მიქაუტაძე და სხვა ფეხბურთელები, რომლებიც დიდ ევროპულ კლუბებში თამაშობენ, ლიდერობას საკუთარ თავზე იღებენ. ეს ნიშნავს, რომ გუნდში კარგი გარემოა და ფეხბურთელებს გუნდურად მუშაობის სურვილი აქვთ. მარტში ჩატარებული ორი მატჩიდან გამომდინარე, შეგვიძლია ვთქვათ, რომ ბევრი დადებითი მომენტი გვქონდა. მაგრამ ვიცით, რომ თამაშის გარკვეული ასპექტები ჯერ კიდევ გასაუმჯობესებელია".  {"preview_thumbnail":"/files/styles/video_embed_wysiwyg_preview/public/video_thumbnails/f-KLqLPsbTk.jpg?itok=V1po9ke0","video_url":"https://youtu.be/f-KLqLPsbTk","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

29 მარტს, საქართველოს ნაკრები წლის პირველი შეკრების მეორე ამხანაგურ მატჩს ლიეტუვის წინააღმდეგ გამართავს.  მატჩამდე ერთი დღით ადრე ჩვენმა გუნდმა შეხვედრის მასპინძელ დარიაუს ირ გირენო სტადიონზე ივარჯიშა. საწვრთნელი პროცესის დაწყებამდე, ტრადიციულ პრესკონფერენციაზე, ჩვენი გუნდის მთავარმა მწვრთნელმა, ვილი სანიოლმა მედიის კითხვებს გიორგი მამარდაშვილთან ერთად უპასუხა. ვილი სანიოლი (ეროვნული ნაკრების მთავარი მწვრთნელი): "ლიეტუვის ნაკრებს ხანგრძლივი მოუგებელი სერია ჰქონდა, ორი დღის წინ კი მოლდოვა დაამარცხა, რაც გუნდის თავდაჯერებაზე დადებითად აისახება. სწორედ ამიტომ, რთულ თამაშს ველით. სტუმრად ვთამაშობთ და დარწმუნებული ვარ, მეტოქე საკუთარი გულშემატკივრების წინაშე ყველაფერს გააკეთებს კარგი თამაშის ჩასატარებლად. თუმცა, ეს ჩვენთვისაც კარგია, რადგან მეტოქის მონდომება მოულოდნელობა არ იქნება. ჩემმა ფეხბურთელებმა იციან, რომ მოსაგებად ასი პროცენტი უნდა გაიღონ. ჩაკვეტაძე უკვე ერთი წელია, სომხეთთან მატჩის შემდეგ გვაკლია. ის დიდი ძალაა ჩვენთვის. გიორგი ისრაელთან მატჩის წინ დაგვიბრუნდა, თუმცა მცირე პრობლემების გამო არ უთამაშია. დღევანდელი ვარჯიშის შემდეგ ვიმედოვნებ, რომ ხვალინდელ შეხვედრაში დაგვეხმარება. მარტისა და ივნისის ამხანაგური მატჩები შესაძლებლობაა, ვნახოთ სხვადასხვა ფეხბურთელი, მათ შორის, განსხვავებულ პოზიციებზე. მაგალითად, როგორც ეს გიზი მამაგეიშვილის შემთხვევაში იყო, რომელმაც ისრაელთან მარჯვენა ფლანგზე ითამაშა. ხვალ მეორე მატჩი გვაქვს და ახალი ენერგია გვჭირდება. შესაბამისად, შემადგენლობაში გარკვეული ცვლილებები იქნება".  გიორგი მამარდაშვილი (ეროვნული ნაკრების მეკარე): "რთული მატჩი გველის. გასვლაზე თამაში მარტივი არასდროს არის. ვეცდებით, ჩვენი მაქსიმუმი გავაკეთოთ და გამარჯვება მოვიპოვოთ. ფეხბურთელები და სტაფი ვცდილობთ, რომ ერთად გამოვასწოროთ ჩვენი თამაში. ეს ამხანაგური მატჩები კარგი შესაძლებლობაა კიდევ უფრო დავხვეწოთ ჩვენი თამაში როგორც ტაქტიკურად, ისე მენტალურად და ფიზიკურად. შედარებით ახალგაზრდა გუნდი ვართ, ვიდრე ვიყავით და უფრო მეტად უნდა გავუგოთ ერთმანეთს, უკეთ შევთამაშდეთ. ამ მატჩებს გამოვიყენებთ იმისთვის, რომ სექტემბერს ოპტიმალურ ფორმაში შევხვდეთ და კარგი თამაში ვაჩვენოთ".  ლიეტუვისა და საქართველოს ეროვნული გუნდების შეხვედრა 29 მარტს თბილისის დროით 17:00 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.  {"preview_thumbnail":"/files/styles/video_embed_wysiwyg_preview/public/video_thumbnails/5slRayqPaPQ.jpg?itok=b7VzMJzg","video_url":"https://youtu.be/5slRayqPaPQ","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი) მცველები: ლუკა ლოჩოშვილი (ნიურნბერგი, გერმანია), ლაშა დვალი (ცსკა 1948, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა) ნახევარდაცვა/თავდასხმა: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი)

საქართველოს ეროვნული ნაკრები კაუნასში ჩავიდა, სადაც 29 მარტს ლიეტუვის ნაკრების წინააღმდეგ ამხანაგურ მატჩს გამართავს. ვილი სანიოლის გუნდი ლიეტუვაში 22 ფეხბურთელის შემადგენლობით იმყოფება. ტრავმის გამო მომდევნო შეხვედრას საბა გოგლიჩიძე და ოთარ კიტეიშვილი გამოტოვებენ. 28 მარტს, ჩვენი გუნდი კაუნასში მატჩისწინა ვარჯიშს გამართავს, ხოლო საწვრთნელის პროცესის დაწყებამდე მთავარი მწვრთნელის პრესკონფერენცია გაიმართება. 28 მარტის განრიგი | კაუნასი (ადგილობრივი დროით) 16:30 საქართველოს ნაკრების მთავარი მწვრთნელის პრესკონფერენცია 17:00 საქართველოს ნაკრების ვარჯიში 18:30 ლიეტუვის ნაკრების მთავარი მწვრთნელის პრესკონფერენცია 19:00 ლიეტუვის ნაკრების ვარჯიში საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი) მცველები: ლუკა ლოჩოშვილი (ნიურნბერგი, გერმანია), ლაშა დვალი (ცსკა 1948, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა) ნახევარდაცვა/თავდასხმა: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი)

საქართველოს ეროვნული ნაკრები ლიეტუვაში გაემგზავრა, სადაც მარტის სანაკრებო პაუზის მეორე შეხვედრას გამართავს.  ტრავმის გამო კაუნასში ნაკრებთან ერთად საბა გოგლიჩიძე და ოთარ კიტეიშვილი ვერ გაემგზავრნენ.  ლიეტუვა - საქართველოს მატჩი კაუნასის სტადიონზე 29 მარტს გაიმათება და 17:00 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.  საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი) მცველები: ლუკა ლოჩოშვილი (ნიურნბერგი, გერმანია), ლაშა დვალი (ცსკა 1948, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა) ნახევარდაცვა/თავდასხმა: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი)

საქართველოს ეროვნული ნაკრები მარტის სანაკრებო პაუზის მეორე შეხვედრას ლიეტუვის წინააღმდეგ გამართავს.  შეხვედრა 29 მარტს, კაუნასში გაიმართება და ადგილორბივი დროით 16:00 საათზე (17:00 თბილისის დროით) დაიწყება.  მატჩზე დასასწრები ბილეთის ფასი 17,90 და 21,90 ევროა. საქართველოს ნაკრების გულშემატკივრებისთვის განკუთვნილი ბილეთების შესაძენათ ისარგებლეთ აღნიშნული ბმულით. 

საქართველო 2:2 ისრაელი საქართველოს ეროვნულმა ნაკრებმა წლის პირველი მატჩი გამართა. თბილისში, მიხეილ მესხზე, ისრაელის ნაკრებთან შეხვედრა ფრედ, 2:2 დასრულდა.  საქართველოს ნაკრების რიგებში დუბლი ხვიჩა კვარაცხელიას ანგარიშზეა. ლუკა გადრანმა, ილია ბერიაშვილმა და გიზი მამაგეიშვილმა კი, სადებიუტო სანაკრებო მატჩები ჩაატარეს.  საქართველოსა და ისრაელის შეხვედრა საქართველოს კათოლიკოს პატრიარქის, ილია II-ის ხსოვნისადმი მიძღვნილი წუთიერი დუმილით დაიწყო. ნაკრების ფეხბურთელებმა შეხვედრა შავი სამკლაურებით ჩაატარეს.  მატჩის დაწყებამდე ხვიჩა კვარაცხელიას სფფ-ის ვერსიით 2025 წლის საუკეთესო ფეხბურთელისთვის განკუთვნილი ჯილდო გადაეცა. ნაკრების კაპიტანი სფფ-ის ვიცე-პრეზიდენტმა, ალექსანდრე იაშვილმა დააჯილდოვა.  მარტის სანაკრებო პაუზის მეორე შეხვედრას საქართველოს ნაკრები 29 მარტს, კაუნასში, ლიეტუვის წინააღმდეგ გამართავს. საქართველოს ნაკრები კაუნასში 27 მარტს გაემგზავრება.  ვილი სანიოლი (საქართველოს ნაკრების მთავარი მწვრთნელი): "ვფიქრობ, ერთი საათის განმავლობაში ბევრი დადებითი ეპიზოდი გვქონდა. კარგი ინტენსივობა ვაჩვენეთ და ამან მოგვცა შესაძლებლობა, რომ ორბურთიანი უპირატესობით დავწინაურებულიყავით. საწყისი საათის განმავლობაში ძალიან საინტერესო ფეხბურთი ვითამაშეთ — ბევრად უფრო საინტერესო, ვიდრე ბოლო ექვს თვის განმავლობაში. არ უნდა დაგვავიწყდეს, რომ ეს იყო პირველი მატჩი ბერიაშვილისთვის, გადრანისთვის და მამაგეიშვილისთვის. გვყავს ბევრი ფეხბურთელი, რომელთაც ჯერ კიდევ არ აქვთ საკმარისი სათამაშო გამოცდილება, და ესეც გარკვეული პრობლემაა. თუმცა, ამხანაგური თამაშები სწორედ ამისთვის არსებობს - გამოცდილების დასაგროვებლად. სექტემბერში ბევრად უფრო ძლიერი გუნდი ვიქნებით. ფეხბურთელებთან საუბარი გვექნება და ავუხსნით, რას არის დადებითი და რაზეა მეტი სამუშაო".  {"preview_thumbnail":"/files/styles/video_embed_wysiwyg_preview/public/video_thumbnails/TOuVtU3g3nQ.jpg?itok=IjKqeBrb","video_url":"https://youtu.be/TOuVtU3g3nQ","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ეროვნული ნაკრები წლის პირველ შეხვედრას 26 მარტს, თბილისში, ისრაელის წინააღმდეგ გამართავს.  მატჩის წინა დღეს, ჩვენმა გუნდმა შეხვედრის მასპინძელ მიხეილ მესხის სახელობის სტადიონზე ივარჯიშა. საწვრთნელ პროცესში მონაწილეობა არ მიუღია გიორგი ჩაკვეტაძეს, ხოლო საბა გოგლიჩიძემ ინდივიდუალურად ივარჯიშა.  მატჩისწინა ვარჯიშის დაწყებამდე, მედიის კითხვებს საქართველოს ნაკრების მთავარ მწვრთნელთან, ვილი სანიოლთან ერთად, ხვიჩა კვარაცელიამ უპასუხა.  ვილი სანიოლი (ეროვნული ნაკრების მთავარი მწვრთნელი): "ვიცით, რომ ერთა ლიგა მხოლოდ სექტემბერში იწყება, თუმცა ბევრს ვმუშაობთ, რადგან ორი კარგი მატჩის ჩატარება გვინდა. რაც შეეხება გიორგი ჩაკვეტაძეს და საბა გოგლიჩიძეს, ორივე გარკვეული პრობლემებით ჩამოვიდა. არ ვიცი, ღირს თუ არა ახლა, ამხანაგურ მატჩებში, რაიმე რისკზე წასვლა. განსაკუთრებით ჩაკვეტაძის შემთხვევაში - მას კარიერის განმავლობაში ტრავმებთან არაერთი პრობლემა ჰქონია. ამ ეტაპზე ის ჩვენთან ერთად არის და ვფიქრობ, ხვალ სამედიცინო შტაბთან კიდევ ერთხელ შევამოწმებთ მის მდგომარეობას, შემდეგ კი გადაწყვეტილებასაც მივიღებთ. დიახ, ხვიჩა ახალი კაპიტანია და მას საკუთარი გზა უნდა იპოვოს. მან თავად უნდა აღმოაჩინოს, თუ როგორი კაპიტანი უნდა გახდეს, რადგან ეს მისი პიროვნების ანარეკლი უნდა იყოს. თუ ეს გადაწყვეტილება მივიღე, ეს ნიშნავს, რომ 100 პროცენტით მჯერა - მას შეუძლია ძალიან კარგი კაპიტანი გახდეს. ვფიქრობ, ჩვენმა გულშემატკივრებმა, განსაკუთრებით ბოლო წლებში და გერმანიაში, ევროპის ჩემპიონატზე, აჩვენეს, რომ შეიძლება ევროპაში საუკეთესოებიც კი იყვნენ. მთელ მსოფლიოზე ვერ ვიტყვი, მაგრამ ევროპაში ნამდვილად გამორჩეულები არიან. მინდა, რომ ზუსტად ასეთები დარჩნენ და კვლავ დაგვეხმარონ, რადგან მათ გარეშე ვერაფერს მივაღწევთ. ამიტომ გთხოვთ, ჩვენს გვერდით იყავით მაშინაც კი, როცა ეს რთულია. თუ ისევ ისეთი დიდი მომენტები გვინდა, როგორიც ევროპის ჩემპიონატზე გვქონდა, მაშინ ყველას ერთად გვჭირდება ბრძოლა". ხვიჩა კვარაცხელია (ეროვნული ნაკრების წევრი): "მინდა, მივუსამძიმრო მთელ საქართველოს ჩვენი სულიერი მამის, ილია II-ის გარდაცვალება. მან უდიდესი სითბო და სიყვარული დატოვა. ამაყი ვარ, რომ მის ეპოქაში ცხოვრების შესაძლებლობა მომეცა. მისი სიტყვები ყოველთვის გამყვება. ბედნიერი ვარ, რომ მასთან შეხვედრის შესაძლებლობაც მქონდა. უდიდესი პასუხისმგებლობაა, იყო საქართველოს ნაკრების კაპიტანი. პირადად მე მომიწია გურამ კაშიასა და ჯაბა კანკავას კაპიტნობის დროს თამაში. მათგან ვისწავლე, როგორ უნდა მოიქცე სირთულეების დროს. მინდა, მეც იგივე გავაკეთო — ვიყო მაგალითი ჩემი თანაგუნდელებისთვის როგორც მოედანზე, ისე მის გარეთ და ნებისმიერ გასაჭირში პირველი დავდგე და ეს დაბრკოლებები მივიღო. ხვალინდელი დღიდან, პირველი ამხანაგური მატჩიდან, ვიწყებთ ერთა ლიგის შეხვედრებისთვის მზადებას, რომელიც 2026 წელს ჩვენთვის ყველაზე მნიშვნელოვანი ტურნირია. ვმუშაობთ სიახლეებზე, რაც ოფიციალურ მატჩებში აუცილებლად გამოგვადგება".  {"preview_thumbnail":"/files/styles/video_embed_wysiwyg_preview/public/video_thumbnails/puswgWv5HY4.jpg?itok=FvkH0dt3","video_url":"https://youtu.be/puswgWv5HY4","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველოსა და ისრაელის ნაკრებების ამხანაგური შეხვედრა 21:00 საათზე დაიწყება. მატჩის პირდაპირ რეპორტაჟს საქართველოს პირველი არხი შემოგთავაზებთ.  საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი) მცველები: ლუკა ლოჩოშვილი (ნიურნბერგი, გერმანია), საბა გოგლიჩიძე (უოტფორდი, ინგლისი), ლაშა დვალი (ცსკა 1948, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი)

დევიდ უებმა, საქართველოს ნაკრების სამწვრთბელო შტაბში საქმიანობა დაასრულა. ინგლისელი სპეციალისტი ვილი სანიოლის სამწვრთნელო შტაბში 2023 წლიდან საქმიანობდა. საქართველოს ფეხბურთის ფედერაცია საქართველოს ნაკრებში გაწეული სამწლიანი საქმიანობისათვის დევიდ უებს მადლობას უხდის და წარმატებას უსურვებს.

საქართველოს ფეხბურთის ფედერაციასა და სასტუმრო პარაგრაფს შორის თანამშრომლობა ერთი წლით გახანგრძლივდა. შეთანხმების თანახმად, სასტუმრო პარაგრაფი 2026 წელსაც იქნება ეროვნული ნაკრების სახლი. სასტუმრო Paragraph Freedom Square Luxury Collection Hotel-ი საქართველოს ნაკრების ყველა საშინაო შეკრებას 2025 წლიდან მასპინძლობს. გაბრიელა დიტეტოვა (Paragraph Freedom Square Luxury Collection Hotel-ის კლასტერ გენერალური მენეჯერი): „პირველ რიგში, ძალიან გვიხარია, რომ ფეხბურთის ფედერაციამ არჩევანი Paragraph Freedom Square Luxury Collection Hotel-ზე გააკეთა. ჩვენ ვართ Marriott International-ის ქსელის ნაწილი და მაღალი დონის სერვისს წარმოვადგენთ, ამიტომ ძალიან დიდი პატივია ნაკრების მასპინძლობა. როგორც საქართველოს ეროვნული ნაკრები წარმატებით წარმოადგენს ქვეყანას საერთაშორისო დონეზე, ჩვენც, როგორც საერთაშორისო ბრენდი, ვცდილობთ თბილისი მოვაქციოთ ტურისტებისა და მომხმარებლების ყურადღების ცენტრში და ხელი შევუწყოთ საქართველოს პოპულარიზაციას. ეს მართლაც შესანიშნავი პარტნიორობაა და ძალიან გვიხარია, რომ კმაყოფილი ხართ Paragraph Freedom Square-ში თქვენი ყოფნით და შეგვიძლია შემოგთავაზოთ უმაღლესი ხარისხის სერვისი“. {"preview_thumbnail":"/files/styles/video_embed_wysiwyg_preview/public/video_thumbnails/CWTnxrNEMpk.jpg?itok=QKoOJQ89","video_url":"https://youtu.be/CWTnxrNEMpk","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ნაკრები ისრაელთან ამხანაგური მატჩისთვის მზადებას განაგრძობს. მარტის შეკრების მეორე ვარჯიში მიხეილ მესხი 2-ზე გაიმართა. საწვრთნელ პროცესში 22 ფეხბურთელი მონაწილეობდა. გუნდთან ერთად არ უვარჯიშიათ გიორგი ჩაკვეტაძეს და საბა გოგლიჩიძეს.  წლის პირველ მატჩს ჩვენი გუნდი ახალი კაპიტნით შეხვდება. 2026 წლიდან საქართველოს ნაკრებს ხვიჩა კვარაცხელია უკაპიტნებს, გუნდის პირველი ვიცე-კაპიტანი ოთარ კიტეიშვილი, ხოლო მეორე ვიცე-კაპიტანი ოთარ კაკაბაძე იქნება.  დღემდე ხვიჩა კვარაცხელიამ საქართველოს ნაკრებს სულ სამ შეხვედრაში უკაპიტნა. 25 წლის ფეხბურთელმა კაპიტნის სამკლაურით 2025 წელს სტუმრად ესპანეთისა და თურქეთის წინააღმდეგ, თბილისში კი ბულგარეთის ნაკრებთან ითამაშა.  გურამ კაშია სანაკრებო კარიერას ივნისში დაასრულებს საქართველოსა და ისრაელის ეროვნული ნაკრებების ამხანაგური მატჩი 26 მარტს, თბილისში, მიხეილ მესხის სახელობის სტადიონზე გაიმართება. შეხვედრა 21:00 საათზე დაიწყება და მის პირდაპირ რეპორტაჟს საქართველოს პირველი არხი შემოგთავაზებთ. საქართველო - ისრაელი | 25 მარტის განრიგი საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი) მცველები: ლუკა ლოჩოშვილი (ნიურნბერგი, გერმანია), საბა გოგლიჩიძე (უოტფორდი, ინგლისი), ლაშა დვალი (ცსკა 1948, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი) {"preview_thumbnail":"/files/styles/video_embed_wysiwyg_preview/public/video_thumbnails/7Jyf22opyg8.jpg?itok=HdJBkT_n","video_url":"https://youtu.be/7Jyf22opyg8","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

25 მარტს საქართველოსა და ისრაელის საფეხბურთო ნაკრებები მიხეილ მესხის სახელობის სტადიონზე მატჩისწინა ვარჯიშს გამართავენ. საწვრთნელი პროცესის დაწყებამდე ორივე გუნდის მთავარი მწვრთნელები მედიის წარმომადგენელთა შეკითხვებს პრესკონფერენციაზე უპასუხებენ. 25 მარტის განრიგი | მიხეილ მესხი 15:45 - საქართველოს ნაკრების მთავარი მწვრთნელის, ვილი სანიოლის პრესკონფერენცია 16:15 - საქართველოს ნაკრების ვარჯიში (მედია დაიშვება საწყისი 15 წუთი) 17:30 - ისრაელის ნაკრების მთავარი მწვრთნელის, რან ბენ-შიმონის პრესკონფერენცია 18:00 - ისრაელის ნაკრები ვარჯიში (მედია დაიშვება საწყისი 15 წუთი) პრესკონფერენციებსა და სავარჯიშო პროცესზე მხოლოდ აკრედიტებული მედიის წარმომადგენლები დაესწრებიან.