საქართველოს ეროვნული ნაკრების ოფიციალური მაღაზია წარმოგიდგენთ ეროვნული ნაკრებისა და ბრიტანული ბრენდი „ეშვის" კოლაბორაციას. 2012 წელს დიდ ბრიტანეთში დაარსებული სამკაულების ბრენდი თანამშრომლობის ფარგლებში შექმნილ სამკაულებს წარმოადგენს. კოლაბორაცია ამ ეტაპზე მოიცავს სამაჯურსა და ყელსაბამს, რომლებზეც ამოტვიფრულია ეროვნული ნაკრების იმ ფეხბურთელების ხელმოწერები, რომლებმაც ევროპის 2024 წლის ჩემპიონატის ფინალურ ეტაპზე იასპარეზეს. ეს ნამუშევარი სპორტის ყველაზე პოპულარულ სახეობას, სტილსა და ეროვნულ სიამაყეს ერთ საკულტო სამკაულში აერთიანებს. ეროვნული ნაკრებისა და „ეშვის" კოლაბორაციით შექმნილი პროდუქტები ხელმისაწვდომია: ეროვნული ნაკრების ონლაინ მაღაზიაში მიხეილ მესხის სახელობის სტადიონის მიმდებარე ტერიტორიაზე არსებულ ნაკრების ოფიციალურ ფანშოპში „ეშვის" ონლაინ მაღაზიასა

საქართველოს ეროვნული ნაკრები 2026 წელს ორი საერთაშორისო ამხანაგური მატჩით დაიწყებს. სანაკრებო პაუზის ფარგლებში ჩვენი გუნდი 26 მარტს, თბილისში, ისრაელის ეროვნულ ნაკრებს უმასპინძლებს. 29 მარტს, ვილი სანიოლის გუნდი ლიეტუვის ნაკრებს სტუმრად კაუნასში დაუპირისპირდება. მარტის ამხანაგური მატჩები 2026/27 წლების უეფას ერთა ლიგის მოსამზადებელი ეტაპის ნაწილია. ტურნირი სექტემბერში დაიწყება.  ჩვენი გუნდი უეფას ერთა ლიგის ბ ლიგაში იასპარეზებს. მეტოქეთა ვინაობა 12 თებერვალს, ბრიუსელში დაგეგმილ წილისყრაზე გახდება ცნობილი.

მსოფლიო ჩემპიონატის საკვალიფიკაციო ეტაპის დასკვნით შეხვედრაში საქართველოს ნაკრები ბულგარეთთან დამარცხდა. სოფიაში ჩატარებული მატჩი მასპინძელთა გამარჯვებით — 2:1 დასრულდა. პირველი ტაიმი ბულგარელთა ორბურთიანი უპირატესობით დასრულდა. 88-ე წუთზე საქართველოს ნაკრებმა სხვაობა ლუკა ლოჩოშვილის გოლით შეამცირა, თუმცა დარჩენილ წუთებში ანგარიში აღარ შეცვლილა. საქართველოს ნაკრებმა მსოფლიო ჩემპიონატის საკვალიფიკაციო ეტაპზე ასპარეზობა მესამე ადგილზე დაასრულა. ჯგუფის მეორე შეხვედრა ესპანეთსა და თურქეთს შორის ფრედ — 2:2 დასრულდა. ვილი სანიოლი (ეროვნული ნაკრების მთავარი მწვრთნელი): „რა თქმა უნდა, წაგების შემდეგ ყოველთვის ნეგატიურად ხარ განწყობილი. თუმცა ხვალ, როდესაც ამ თამაშის სტატისტიკას ნახავთ, გაკვირვებულები ვიკითხავთ, თუ როგორ წავაგეთ ეს მატჩი. ბურთის ფლობის დაახლოებით 80-პროცენტიანი მაჩვენებელი გვქონდა. ბევრი სახიფათო მომენტი შევქმენით, მეტოქე კი ორჯერ აღმოჩნდა ჩვენს საჯარიმოში და ორი გოლი გაიტანა. თუმცა, ეს რომ ხდება, პრობლემაა და ამის მოგვარებაზე უნდა ვიმუშაოთ. ბოლო სამი თვე იმაზე რთული აღმოჩნდა, ვიდრე ამას ველოდი. თამაშიდან თამაშამდე ფეხბურთელებს ვცვლით, თუმცა მაინც ვუშვებთ ისეთ შეცდომებს, რაც ასეთ მაღალ დონეზე უპატიებელია. თუმცა ვფიქრობ, რომ პრობლემა უფრო გლობალურია — როგორც ადრე აღვნიშნე, ყველანი კომფორტის ზონაში მოვექეცით, საიდანაც რაც შეიძლება მალე უნდა გამოვიდეთ. უფრო მეტი იმედგაცრუება გველის, თუ ჩვენს მენტალიტეტს არ შევიცვლით. შეცდომები, მათ შორის ამ მიდგომის ბრალია და ეს პრობლემა უნდა მოვაგვაროთ. ვიცოდით, რომ ჯგუფში, სადაც ესპანეთი და თურქეთია, ძალიან რთული იქნებოდა ჩვენთვის, თუმცა ეს არ ნიშნავს იმას, რომ უნდა დავნებებულიყავით. ერთი წლის წინ დიდ წარმატებას მივაღწიეთ და მას შემდეგ გუნდის თითოეული წევრი რაღაცას ვაკლებთ. ბევრი ინდივიდუალური შეცდომა გვქონდა, რაც ძვირად დაგვიჯდა. საკმარისად არ ვიბრძოლეთ და ეს სულისკვეთება მარტში, ივნისში და მომდევნო ერთა ლიგაზე უნდა დავიბრუნოთ". {"preview_thumbnail":"/files/styles/video_embed_wysiwyg_preview/public/video_thumbnails/JJrF4NalWgs.jpg?itok=c2PQ_EV8","video_url":"https://www.youtube.com/watch?v=JJrF4NalWgs","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

მსოფლიო ჩემპიონატის საკვალიფიკაციო ეტაპის დასკვნით შეხვედრას საქართველოს ნაკრები 18 ნოემბერს, სოფიაში, ბულგარეთის წინააღმდეგ გამართავს. 17 ნოემბერს, ჩვენმა გუნდმა მატჩის მასპინძელ ვასილ ლევსკის სახელობის სტადიონზე ივარჯიშა. ნაკრებთან ერთად პირველად ივარჯიშა მტკ ბუდაპეშტის 27 წლის მცველმა, ილია ბერიაშვილმა.  საწვრთნელი პროცესის დაწყებამდე მედიის კითხვებს საქართველოს ნაკრების მთავარ მწვრთნელთან, ვილი სანიოლთან ერთად, ჩვენი გუნდის ნახევარმცველმა, ოთარ კიტეიშვილმა უპასუხა. ვილი სანიოლი (ეროვნული ნაკრების მთავარი მწვრთნელი): „გვსურს, საკვალიფიკაციო ეტაპი კარგი თამაშით დავასრულოთ. იგივე მიზანი აქვს ბულგარეთის ნაკრებსაც. ორივე გუნდისთვის მნიშვნელოვანი თამაშია და ორივეს ბევრი აქვს დასაკარგი. ხვალ ოფიციალური, მნიშვნელოვანი თამაშია, ამიტომ შემადგენლობაში ექსპერიმენტები არ იქნება. მოგება გვსურს და ამისთვის კარგი თამაში უნდა ვაჩვენოთ. მიუხედავად მარცხისა, იგივე ამბიციით უნდა ვითამაშოთ ბურთით, როგორც ეს ესპანეთთან გავაკეთეთ. სამომავლოდ წარმატების მისაღწევად მნიშვნელოვანია, თუ როგორ გამოვიყენებთ ბურთს.  მაქსიმალურად კარგად უნდა მოვემზადოთ მომდევნო ერთა ლიგისთვის და ევროპის ჩემპიონატის საკვალიფიკაციო ეტაპისთვის. ამისთვის თითოეულ თამაშს უდიდესი მნიშვნელობა აქვს. მარტში და ივნისში ამხანაგურ თამაშებს ჩავატარებთ, თუმცა ამ მატჩებს ოფიციალურ თამაშებად აღვიქვამ. ეს არის ერთადერთი გზა, რომ მაქსიმალურ მზადყოფნაში შევხვდეთ ოფიციალურ თამაშებს. თითოეულ შეხვედრას სრული სერიოზულობით და მაქსიმალური მოტივაციით უნდა მივუდგეთ.“ ოთარ კიტეიშვილი (ეროვნული ნაკრების წევრი): „საკვალიფიკაციო ეტაპის დაწყებამდე განსხვავებული მოლოდინები გვქონდა, თუმცა არსებული მდგომარეობა დიდი გამოწვევაა ჩვენთვის. ამ სიტუაციიდან გამოსავალი ერთად უნდა ვიპოვოთ, და ამაზე მუშაობა მიმდინარეობს. განსაკუთრებით ამ შეკრებაზე იგრძნობა, რომ ერთი მიზანი გვაქვს — დავბრუნდეთ წარმატებულ გზაზე. გუნდის თითოეული წევრი მზად არის საკუთარი წვლილი შეიტანოს ამ მიზნის მისაღწევად. გიორგი ჩაკვეტაძე განსაკუთრებული ფეხბურთელია. კარიერის დასაწყისში, დინამოს შემადგენლობაში, ერთად გვიწევდა თამაში და კარგად ვიცით ერთმანეთის თვისებები. ტრავმები ფეხბურთის ნაწილია და სამწუხაროდ ხშირად ხდება. რა თქმა უნდა, ჩაკვეტაძე უდიდესი დანაკლისია და ყველას გვინდა, რომ ჩვენთან ერთად იყოს, თუმცა გუნდში არიან ფეხბურთელები, რომლებიც მზად არიან მოედანზე მაქსიმუმი გამოავლინონ და წარმოაჩინონ საკუთარი შესაძლებლობები.“ {"preview_thumbnail":"/files/styles/video_embed_wysiwyg_preview/public/video_thumbnails/bH4e0FtFGuc.jpg?itok=pp9Dxs_r","video_url":"https://www.youtube.com/watch?v=bH4e0FtFGuc","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} ბულგარეთი–საქართველოს მატჩი 18 ნოემბერს, თბილისის დროით 23:45 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.

საქართველოს ეროვნული ნაკრები სოფიაში ჩავიდა, სადაც მსოფლიო ჩემპიონატის საკვალიფიკაციო ეტაპის დასკვნით მატჩს გამართავს. წლის ბოლო შეხვედრაში ვილი სანიოლის გუნდი ბულგარეთის ნაკრებს დაუპირისპირდება.  ტრავმის გამო ნაკრებთან ერთად სოფიაში საბა გოგლიჩიძე ვერ გაემგზავრა. ბულგარეთში ეროვნულ გუნდს მტკ ბუდეპაშტის 27 წლის მცველი, ილია ბერიაშვილი შეუერთდა, რომლისთვისაც ეს პირველი სანაკრებო გამოძახებაა.  17 ნოემბერს, თამაშის მასპინძელ სტადიონზე მატჩისწინა ვარჯიში და ტრადიციული პრესკონფერენცია გაიმართება.  17 ნოემბრის განრიგი | ბულგარეთის დროით 17:00 საქართველოს ნაკრების პრესკონფერენცია  17:30 საქართველოს ნაკრების ვარჯიში (მედიისთვის ღიაა საწყისი 15 წუთი) 19:30 ბულგარეთის ნაკრების პრესკონფერენცია 20:00  ბულგარეთის ნაკრების ვარჯიში (მედიისთვის ღიაა საწყისი 15 წუთი) ბულგარეთი - საქართველოს მატჩი 18 ნოემბერს, სოფიაში, ვასილ ლევსკის სახელობის სტადიონზე გაიმართება და თბილისის დროით 23:45 საათზე დაიწყება.

საქართველო 0:4 ესპანეთი საქართველოს ეროვნულმა ნაკრებმა მსოფლიო ჩემპიონატის საკვალიფიკაციო ეტაპის მატჩში ესპანეთს უმასპინძლა. დინამო არენაზე ჩატარებული მატჩი სტუმართა გამარჯვებით, 0:4 დასრულდა. წლის და საკვალიფიკაციო ეტაპის დასკვნით შეხვედრას საქართველოს ნაკრები 18 ნოემბერს, სოფიაში, ბულგარეთის წინააღმდეგ გამართავს.  საქართველოს ნაკრები სოფიაში 16 ნოემბერს გაემგზავრება. ბულგარეთში ეროვნულ გუნდს მტკ ბუდაპეშტის 27 წლის მცველი მცველი, ილია ბერიაშივილი შეუერთდება.  ვილი სანიოლი (ეროვნული ნაკრების მთავარი მწვრთნელი): "შედეგი აჩვენებს, რომ ახალი დაცვითი სისტემის მშენებლობა რთული და შრომატევადი საქმეა. არ ვიყავით საკმარისად ხისტები დაცვითი ფუნქციების შესრულების დროს. თუმცა, ოქტომბერთან შედარებით იმედისცმომცემი მომენტებიც დავინახე, განსაკუთრებით ბურთით მოძრაობის და შეტევების წამოწყების დროს. ვნახოთ, როგორ აღიდგენენ ძალებს ფეხბურთელები, თუმცა გარკვეული ცვლილებები ბულგარეთთან მატჩში აუცილებლად იქნება. სოფიაში ნაკრებს ილია ბერიაშვილი შემოუერთდება". გიორგი მამარდაშვილი (ეროვნული ნაკრების წევრი): "ძალიან რთული თამაში იყო. ესპანეთი ჯგუფის ფავორიტი და მსოფლიოს ერთ-ერთი საუკეთესო გუნდია. სამწუხაროდ, სწრაფი გოლი გავუშვით და თამაშში დარჩენა გაგვიჭირდა. ბულგარეთთან სტუმრად რთულ თამაშს ველოდებით და იმედი მაქვს, გავიმარჯვებთ".  ხვიჩა კვარაცხელია (ეროვნული ნაკრების წევრი): "ამ თამაშმა პირველ რიგში გამოცდილება მოგვცა. მარტივ ჯგუფში არ ვართ, თუმცა შესაძლებელი იყო უკეთ წარმოგვეჩინა საკუთარი შესაძლებლობები. უნდა გავაგრძელოთ შრომა და განვითარება. მიუხედავად დიდი სხვაობით მარცხისა, დღევანდელ თამაშს დადებითად შევაფასებ, რადგან გამოვასწორეთ გარკვეული ასპექტები. ესპანეთის ნაკრებთან თამაში გრანდებითვისაც კი რთულია. ჩემი აზრით, ბიჭებმა ყველაფერი გააკეთეს და მათი ბრძოლითა და შემართებით კმაყოფილი ვარ".   {"preview_thumbnail":"/files/styles/video_embed_wysiwyg_preview/public/video_thumbnails/j9oesMiPfj4.jpg?itok=BiHzweL1","video_url":"https://www.youtube.com/watch?v=j9oesMiPfj4","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

მსოფლიო ჩემპიონატის საკვალიფიკაციო ეტაპის დასკვნით საშინაო შეხვედრაში საქართველოს ნაკრები ესპანეთს უმასპინძლებს.  14 ნოემბერს, ჩვენმა გუნდმა შეხვედრის მასპინძელ დინამო არენაზე მატჩისწინა ვარჯიში გამართა. საწვრთნელი პროცესის დაწყებამდე გაიმართა საქართველოს ნაკრების მთავარი მწვრთნელის, ვილი სანიოლის და ნაკრების დებიუტანტის, იური ტაბატაძის პრესკონფერენცია.  ვილი სანიოლი (ეროვნული ნაკრების მთავარი მწვრთნელი): „გუნდში ძალიან კარგი განწყობაა, ბევრად უკეთესი, ვიდრე სექტემბერსა ან ოქტომბერში იყო. თუმცა, მთავარია, რა იქნება მომავალში. ბევრი ვისაუბრეთ და ფეხბურთელებს ავუხსენი, როგორ ვხედავ მომავალს მათთან ერთად. რა იქნება ის რეალური მიზნები, რასაც სამომავლოდ დავისახავთ. თუმცა, მხოლოდ იმ შემთხვევაში, თუ ბევრს ვიშრომებთ. ამ შეკრებაზე გუნდში სრულიად განსხვავებული ენერგიაა და კმაყოფილი ვარ ფეხბურთელების მუშაობით. იური ტაბატაძე ამ შეკრებაზე ერთ-ერთი დებიუტანტია. მასთან ბევრი არ მისაუბრია, რადგან ვფიქრობ, რომ ახალგაზრდა ფეხბურთელს დრო უნდა მივცე ადაპტაციისთვის. აქ ყოფნა დაიმსახურა. იბერიაში ყოფნის დროსაც ვაკვირდებოდით, კადისში კი შთამბეჭდავი დებიუტი ჰქონდა. ოქტომბერში ვფიქრობდით მის გამოძახებას, თუმცა სჯობს გვიან, ვიდრე არასდროს. ბედნიერი ვარ მისი ნაკრებში ყოფნით და ვფიქრობ, გულშემატკივრები, რომლებმაც ჯერ არ იციან მისი თამაშის შესახებ, უახლოეს მატჩებში უკეთ გაიცნობენ. ესპანეთი მსოფლიოს საუკეთესო გუნდია და არ გვაქვს იმის ამბიცია, რომ უკეთესი გუნდი ვართ. თუმცა, გვაქვს ამბიცია, რომ ესპანეთთან ბოლო მატჩთან შედარებით უფრო ემოციურები ვიყოთ. სტუმრად 2:0 წავაგეთ და შეიძლებოდა სხვაობა უფრო დიდიც ყოფილიყო, თუმცა ყველაზე მეტად გული ემოციის და ამბიციის ნაკლებობამ დამწყვიტა. ფეხბურთელებს ვთხოვე, რომ ხვალინდელ შეხვედრაში ნაკლები შიშით და მეტი ამბიციით ითამაშონ, რათა ძალიან კარგი გუნდური თამაში ჩავატაროთ. არ გვყავს ღრმა შემადგენლობა. ბოლო პერიოდში კვარაცხელიას ჰქონდა გარკვეული პრობლემები, ყვითელი ბარათის გამო ესპანეთთან ქოჩორაშვილი ვერ დაგვეხმარება, ტრავმის გამო გვაკლდა კიტეიშვილი, ხოლო ჩაკვეტაძე უკვე რვა თვეა ვერ თამაშობს. 2-3 ფეხბურთელის არყოფნა ძალიან ეტყობა გუნდს. ასევე გვყავს ახალი მოთამაშეები, რომლებმაც მეტი კონკურენცია უნდა შემოიტანონ გუნდში. ჩვენი ერთ-ერთი მთავარი მიზანიც სწორედ ეს არის - მეტი კონკურენცია და ხარისხი გვჭირდება, რადგან ყველა წამყვანი ფეხბურთელი ყოველთვის კარგ ფორმაში ვერ იქნება. მოახლოებული მატჩები, მარტის და ივნისის სანაკრებო პაუზები ახალი ეტაპი და შესაძლებლობაა ავაშენოთ რაღაც ახალი და კარგად ვიასპარეზოთ ერთა ლიგაზე. შესაძლოა, ახლა საუკეთესო პერიოდი არ გვაქვს, თუმცა გულშემატკივრებს მინდა ვუთხრა, რომ მათი მხარდაჭერის გარეშე განსაკუთრებულ წარმატებას ვერ მივაღწევთ. ასევე, გულშემატკივრებმა მოედანზე უნდა იხილონ უფრო ამბიციური, ენერგიული და ემოციური გუნდი".  იური ტაბატაძე (ეროვნული ნაკრების წევრი): „მოხარული და მადლიერი ვარ ნაკრებში გამოძახებით. გუნდში იდეალური განწყობაა. ძალიან ბევრ ფეხბურთელს ასაკობრივი ნაკრებიდან ვიცნობ. გამოცდილი მოთამაშეებიც საოცრად მეგობრულები არიან და ისეთი გრძნობა მაქვს, თითქოს ერთი თაობის მოთამაშეები ვართ.  განვლილი წელი ჩემთვის ძალიან დადებითი იყო. სეზონი იბერიაში ძალიან კარგად მიდიოდა, კარგი სტარტი მქონდა კადისშიც, რაც ნაკრებში საოცნებო გამოძახებით გაგრძელდა. თუმცა, დრო ჯერ კიდევ არის, რომ კიდევ უფრო მეტს მივაღწიო. ორი წლის წინ, როდესაც პირველად წავედი საქართველოდან, საქმე კარგად არ წამივიდა. გავიდა დრო, გავაანალიზე შეცდომები და პირველ რიგში საკუთარ თავს დავუმტკიცე, რომ ყველაფერი შესაძლებელია. მთავარია, არ დაკარგო თავდაჯერება და გახსოვდეს, ვინ ხარ და რა შეგიძლია. ერთმანეთის სიყვარულით, შრომით და თავდადებით ყველაფერი შესაძლებელია. ამ ნაკრებს კიდევ ბევრი სიხარულის მოტანა შეუძლია ხალხისთვის. ბიჭებთან ვსაუბრობდით, რომ ამ ორ თამაშში ხალხს დავუფასოთ ის სიყვარული და გვერდში დგომა, რაც აქამდე გვანახეს და ამისთვის მოედანზე ყველაფერს გავაკეთებთ".  {"preview_thumbnail":"/files/styles/video_embed_wysiwyg_preview/public/video_thumbnails/3z4hsEzaJSc.jpg?itok=3H-TUiaU","video_url":"https://www.youtube.com/watch?v=3z4hsEzaJSc","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველო - ესპანეთის მატჩი 15 ნოემბერს, 21:00 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.  მატჩზე აკრედიტებული მედიის საყურადღებოდ: 15 ნოემბერს, დინამო არენას მედის შესასვლელი 18:00-დან 20:45 საათამდე იმუშავეს.

საქართველოს ეროვნული ნაკრები ესპანეთთან მატჩისთვის ემზადება. 13 ნოემბერს, ჩვენმა გუნდმა მიხეილ მესხი 2-ზე ივარჯიშა.  ტრავმის გამო მოახლოებულ მატჩებში ნაკრებს გაბრიელ სიგუა და ნიკა გაგნიძე ვერ დაეხმარებიან. საქართველოს ნაკრები ევროპის მოქმედ ჩემპიონს დინამო არენაზე 15 ნოემბერს უმასპინძლებს. ყვითელი ბარათების გამო შეხვედრას გიორგი ქოჩორაშვილი გამოტოვებს. მატჩი 21:00 საათზე დაიწყება და მის პირდაპირ რეპორტაჟს საქართველოს პირველი არხი შემოგთავაზებთ ნოემბრის სანაკრებო პაუზის ფარგლებში გასამართი მატჩების შესახებ ხვიჩა კვარაცხელიამ და გიორგი გოჩოლეიშვილმა ისაუბრეს. ხვიჩა კვარაცხელია (ეროვნული ნაკრების წევრი): „ესპანეთის წინააღმდეგ წლის ბოლო საშინაო მატჩს გავმართავთ. ყოველთვის ბედნიერები ვართ, როდესაც ჩვენი გულშემატკივრების წინაშე გვიწევს თამაში. დიდ პასუხისმგებლობას ვგრძნობთ, მიუხედავად იმისა, რომ ჯგუფიდან გასვლის ძალიან მცირე შანსი გვაქვს. მაგრამ, ჩემი აზრით, ძალიან მნიშვნელოვანი თამაშებია ჩვენთვის, რადგან სწორედ ახლა უნდა დავიწყოთ მზადება მომავალი წლისთვის.  ოქტომბრის შეკრებაზე, ტრავმის გამო, ასი პროცენტით მზად არ ვიყავი, თუმცა ნაკრებისთვის ყოველთვის მაქსიმალურად ვიხარჯები. ჩემი ხალხისთვის და თანაგუნდელებისთვის თამაში ძალიან მნიშვნელოვანია. ვფიქრობ, ახლა უკეთეს ფორმაში ვარ, არაფერი მაწუხებს და ვეცდები, რომ გუნდს მაქსიმალურად დავეხმარო. ბედნიერები ვართ, რომ კვლავ ერთად გვიწევს თამაში და ყველაფერს გავაკეთებთ იმისთვის, რომ დადებითი შედეგით დავასრულოთ ეს შეხვედრები" გიორგი გოჩოლეიშვილი (ეროვნული ნაკრების წევრი): „ოქტომბრის სანაკრებო პაუზა ისეთი არ გამოვიდა, როგორც გვინდოდა. ძალიან მოტივირებულები ვართ.  ესპანეთთან მატჩის მსგავსად, რთული შეხვედრა გველის ბულგარეთში. მეტოქე საკუთარ მოედანზე თამაშობს და ვეცდებით, რომ თამაში ჩვენ სასარგებლოდ დავასრულოთ". 14 ნოემბრის განრიგი | დინამო არენა 17:00 საქართველოს ნაკრების პრესკონფერენცია 17:30 საქართველოს ნაკრების ვარჯიში (აკრედიტებული მედიისთვის ღიაა საწყისი 15 წუთი) 18:15 ესპანეთის ნაკრების პრესკონფერენცია 19:080 ესპანეთის ნაკრების ვარჯიში (აკრედიტებული მედიისთვის ღიაა საწყისი 15 წუთი) აკრედიტებული მედიის საყურადღებოდ: საქართველო - ესპანეთის მატჩის აკრედიტაციები 14 ნოემბერს, დინამო არენაზე, მედიის სამუშაო სივრცეში 14:00-დან 16:00 საათამდე გაიცემა. {"preview_thumbnail":"/files/styles/video_embed_wysiwyg_preview/public/video_thumbnails/DCwAjm4tZUc.jpg?itok=tF6uPs5h","video_url":"https://youtu.be/DCwAjm4tZUc","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (პაოკი, საბერძნეთი), დავით კერესელიძე (დილა, გორი) მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია) გიორგი გოჩოლეიშვილი (ჰამბურგი, გერმანია), საბა გოგლიჩიძე (უდინეზე, იტალია), ალექსანდრე ნარიმანიძე (ჟილინა, სლოვაკეთი) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), შოთა ნონიკაშვილი (ჩერკასი, უკრაინა), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გაბრიელ სიგუა (ლოზანა სპორტი, შვეიცარია), ნოდარ ლომინაძე (ეშტორილი, პორტუგალია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი აბუაშვილი (მეცი, საფრანგეთი), იური ტაბატაძე (კადისი, ესპანეთი), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი კვერნაძე (ფროზინონე, იტალია), გიორგი გულიაშვილი (სარაევო, ბოსნია-ჰერცეგოვინა), გიორგი ქვილითაია (არის ლიმასოლი, კვიპროსი)

საქართველოს ეროვნულმა ნაკრემბა ნოემბრის შეკრების მესამე ვარჯიში გამართა. საწვრთნელი პროცესი მიხეილ მესხი 2-ზე გაიმართა და მასში 23 ფეხბურთელი მონაწილეობდა. გაბრიელ სიგუა და ნიკა გაგნიძე ინდივიდუალური პროგრამით აგრძელებენ მზადებას.  ესპანეთთან და ბულგარეთთან გასამართი საკვალიფიკაციო ეტაპის დასკვნითი მატჩების შესახებ ჩვენი გუნდის ფეხბურთელებმა ოთარ კიტეიშვილმა და ანზორ მექვაბიშვილმა ისაუბრეს.  ოთარ კიტეიშვილი (ეროვნული ნაკრების წევრი): "ვემზადებით ძალიან მნიშვნელოვანი მატჩებისთვის. მართალია, ჯგუფიდან გასასვლელად ფაქტობრივად სასწაული გვჭირდება, მაგრამ ჩვენთვის, ნაკრების თითოეული წევრისთვის, ძალიან მნიშვენლოვანი მატჩებია. გვსურს, პირველ რიგში საკუთარ თავს დავუმტკიცოთ, რომ ის გუნდური სულისკვეთება ისევ დიდი რაოდენობით აქვს ამ ნაკრებს და გუნდი გააგრძლებს ზრდას. ხოლო ჩავარდა, რომელიც ბოლო პერიოდში გვაქვს, იყო დროებითი, რასაც, იმედი მაქვს, აუცილებლად გამოვასწორებთ".  ანზორ მექვაბიშვილი (ეროვნული ნაკრების წევრი): "ვემზადებით მოახლოებული თამაშებისთვის. ძალიან რთული მატჩები გველის. ოქტომბრის მატჩების შემდეგ გარკვეული რეაბილიტაცია გვჭირდება. ბიჭები მაქსიმალურად კონცენტრირებულები არიან, რომ მოახლოებულ შეხვედრებში კარგი შედეგი ვაჩვენოთ". {"preview_thumbnail":"/files/styles/video_embed_wysiwyg_preview/public/video_thumbnails/JPz_U-Rtuo4.jpg?itok=nwM1XjfR","video_url":"https://www.youtube.com/watch?v=JPz_U-Rtuo4","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} წლის ბოლო საშინაო მატჩს ჩვენი გუნდი 15 ნოემბერს, დინამო არენაზე, ესპანეთის წინააღმდეგ გამართავს. 18 ნოემბერს კი, ნაკრები ბულგარეთს სოფიაში ესტუმრება. საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (პაოკი, საბერძნეთი), დავით კერესელიძე (დილა, გორი) მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია) გიორგი გოჩოლეიშვილი (ჰამბურგი, გერმანია), საბა გოგლიჩიძე (უდინეზე, იტალია), ალექსანდრე ნარიმანიძე (ჟილინა, სლოვაკეთი) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), შოთა ნონიკაშვილი (ჩერკასი, უკრაინა), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გაბრიელ სიგუა (ლოზანა სპორტი, შვეიცარია), ნოდარ ლომინაძე (ეშტორილი, პორტუგალია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი აბუაშვილი (მეცი, საფრანგეთი), იური ტაბატაძე (კადისი, ესპანეთი), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი კვერნაძე (ფროზინონე, იტალია), გიორგი გულიაშვილი (სარაევო, ბოსნია-ჰერცეგოვინა), გიორგი ქვილითაია (არის ლიმასოლი, კვიპროსი)

საქართველოს ეროვნული ნაკრები სფფ-ის გენერალური პარტნიორის, საქართველოს ბანკის წარმომადგენლებს დაგროვილი ქონების ისტორიულ შენობაში ესტუმრა.  ღონისძიებიას საქართველოს ნაკრების ფეხბურთელებთან და სამწვრთნელო შტაბის წარმომადგენლებთან ერთად, სფფ-ის პრეზიდენტი ლევან კობიაშვილი, საქართველოს ბანკის გენერალური დირექტორი არჩილ გაჩეჩილაძე და ფეხბურთის ფედერაციის მენეჯმნეტის წარმომადგენლები ესწრებოდნენ.  "უკვე სამ წელზე მეტია, რაც საქართველოს ბანკი საქართველოს ფეხბურთის ფედერაციის გენერალური პარტნიორია და შეგვიძლია სრული პასუხისმგებლობით ვთქვათ, რომ ეს თანამშრომლობა არის ერთ-ერთი ყველაზე წარმატებული და ნაყოფიერი. ამ წლებმა არა მხოლოდ მნიშვნელოვანი პროგრესი მოიტანა, არამედ დაუვიწყარი გამარჯვებები და ისტორიული წარმატებები — როგორც ეროვნული, ისე ასაკობრივი და ქალთა ნაკრებების, ასევე ფუტსალის ეროვნული გუნდის დონეზე. საქართველოს ეროვნული ნაკრების დღევანდელი სტუმრობა საქართველოს ბანკში სიმბოლურად წარმოაჩენს იმ მჭიდრო ურთიერთობას, რომელიც ჩვენს ორგანიზაციებს შორის ჩამოყალიბდა. მოხარული ვარ, რომ გვაქვს შესაძლებლობა ერთად ვიზრუნოთ ფეხბურთის განვითარებზე და წვლილი შევიტანოთ მომავალი თაობების წარმატებაში. მჯერა, რომ ჩვენი თანამშრომლობა მომავალშიც გაგრძელდება, კიდევ უფრო გაფართოვდება და ახალ ენერგიას შესძენს ქართული ფეხბურთის წინსვლას — როგორც მოედანზე, ისე მის ფარგლებს გარეთ", - განაცხადა სფფ-ის პრეზიდენტმა, ლევან კობიაშვილმა. „მოხარული ვარ რომ დღეს მაქვს პატივი, ვუმასპინძლო საქართველოს ფეხბურთის ეროვნულ ნაკრებს, სპორტსმენებს, რომლებმაც სრულიად შეცვალეს ფეხბურთის ისტორია ბოლო წლების განმავლობაში და ის საერთოდ სხვა ეტაპზე აიყვანეს. მადლობა მათ თითოეული ემოციისთვის, სიამაყის მიზეზისთვის, მეტოქის კარში გატანილი თუ ჩვენი კარის მისამართით აღებული გოლისთვის. მადლობა იმისთვის, რომ კვლავ გაგვახსენეს გულშემატკივრობის გემო, ერთიანობის სიხარული. მადლობა იმისთვის, რომ დაგვაჯერეს, ზღაპრის ბოლო რომ კეთილია და გაგვხადეს იმ მოვლენის მონაწილეები, შვილიშვილებს რომ მოვუყვებით. ძალიან გვეამაყება, რომ ჯერ კიდევ 2022 წლიდან საქართველოს ბანკი  საქართველოს ეროვნული საფეხბურთო ნაკრების მთავარი მხარდამჭერია. თანამშრომლობის ფარგლებში, ბანკი  მხარს უჭერს არამხოლოდ  საქართველოს ფეხბურთის ეროვნულ ნაკრებს, არამედ ქალთა, ვაჟთა და ფუტსალის ეროვნულ და ასაკობრივ ნაკრებ გუნდებს. ამ პარტნიორობით თავიდანვე გვსურდა ჩვენი წვლილი შეგვეტანა იმ საქმეში, რასაც ქართული სპორტის განვითარება ქვია. ჩვენთვის განსაკუთრებით დიდი პატივია ეროვნული ნაკრების გვერდით დგომა, რადგან მათ უკვე მოგვიტანეს არაერთი შთამბეჭდავი გამარჯვება და დარწმუნებული ვარ, მათი წარმატება ბევრ ახალგაზრდას მისცემს სტიმულს, არ გაჩერდეს და კიდევ უკეთ აითვისოს და გამოავლინოს საკუთარი პოტენციალი",- აღნიშნა არჩილ გაჩეჩილაძემ, საქართველოს ბანკის გენერალურმა დირექტორმა.   საქართველოს საფეხბურთო ნაკრები მსოფლიო ჩემპიონატის შესარჩევი ეტაპის შემდეგ თამაშს 15 ნოემბერს, ესპანეთთან 21:00 საათზე, დინამო არენაზე გამართავს. 18 ნოემბერს კი, ეროვნული ნაკრები  სოფიაში, ბულგარეთის გუნდს დაუპირისპირდება.

საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის დასკვნითი მატჩებისთვის მზადებას განაგრძობს. 11 ნოემბერს, შეკრების მეორე ვარჯიში ჩვენმა გუნდმა მიხეილ მესხი 2-ზე ჩაატარა. საწვრთნელ პროცესში 21 ფეხბურთელი მონაწილეობდა. საბა გოგლიჩიძე, ნიკა გაგნიძე და გაბრიელ სიგუა ინდივიდუალურად ემზადებიან, ხოლო გიორგი ქოჩორაშვილი ნაკრების სავარჯიშო პროცესში 12 ნოემბერს ჩაერთვება. ესპანეთთან და ბულგარეთთან მოახლოებული მატჩების შესახებ ჩვენი გუნდის წევრებმა, ბუდუ ზივზივაძემ და გიორგი კვერნაძემ ისაუბრეს. ბუდუ ზივზივაძე (საქართველოს ნაკრების წევრი): „ვემზადებით ბოლო ორი მატჩისთვის. გუნდში, როგორც ყოველთვის, კარგი განწყობაა. ამ ორ თამაშში ვეცდებით, რომ ოქტომბერში დაშვებული შეცდომები გამოვასწოროთ, გამოვიკეთოთ ხასიათი და დადებითად შევხვდეთ ახალ სანაკრებო სეზონს. ფიზიკურად თავს უკეთ ვგრძნობ. ოქტომბრის მატჩებამდე, კლუბში დისკვალიფიკაციის გამო, სათამაშო პრაქტიკა არ მქონდა, ხოლო სანაკრებო პაუზის შემდეგ თამაშები ჩავატარე და გოლიც გავიტანე, რაც თავდაჯერებას მმატებს. თუ მოახლოებულ მატჩებში მომეცემა თამაშის საშუალება, ყველაფერს გავაკეთებ, რომ საქართველოს ნაკრებს დავეხმარო წარმატების მიღწევაში.“ გიორგი კვერნაძე (საქართველოს ნაკრების წევრი): „პირადად ჩემთვის ძალიან დიდი მოტივაცია და პასუხისმგებლობაა ეროვნულ ნაკრებში თამაში. ესპანეთის სახით ძალიან ძლიერი მეტოქე გვყავს, თუმცა საშინაო კედლებში ყველაფერს გავაკეთებთ, რომ ჩვენმა გულშემატკივრებმა ამაყად დატოვონ სტადიონი". წლის ბოლო საშინაო მატჩს ჩვენი გუნდი 15 ნოემბერს, დინამო არენაზე, ესპანეთის წინააღმდეგ გამართავს. 18 ნოემბერს კი, ნაკრები ბულგარეთს სოფიაში ესტუმრება. საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (პაოკი, საბერძნეთი), დავით კერესელიძე (დილა, გორი) მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია) გიორგი გოჩოლეიშვილი (ჰამბურგი, გერმანია), საბა გოგლიჩიძე (უდინეზე, იტალია), ალექსანდრე ნარიმანიძე (ჟილინა, სლოვაკეთი) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), შოთა ნონიკაშვილი (ჩერკასი, უკრაინა), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გაბრიელ სიგუა (ლოზანა სპორტი, შვეიცარია), ნოდარ ლომინაძე (ეშტორილი, პორტუგალია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი აბუაშვილი (მეცი, საფრანგეთი), იური ტაბატაძე (კადისი, ესპანეთი), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი კვერნაძე (ფროზინონე, იტალია), გიორგი გულიაშვილი (სარაევო, ბოსნია-ჰერცეგოვინა), გიორგი ქვილითაია (არის ლიმასოლი, კვიპროსი)

საქართველოს ეროვნულმა ნაკრებმა მსოფლიო ჩემპიონატის საკვალიფიკაციო ეტაპის დასკვნითი მატჩებისთვის მზადება დაიწყო.  10 ნოემბერს, ჩვენმა გუნდმა შეკრების პირველი ვარჯიში მიხეილ მესხი 2-ზე ჩაატარა. საწვრთნელ პროცესში 12 ფეხბურთელი მონაწილეობდა: დავით კერესელიძე, გურამ კაშია, ლუკა ლოჩოშვილი, ალექსანდრე ნარიმანიძე, გიორგი გოჩოლეიშვილი, ვლადიმერ მამუჩაშვილი, ნოდარ ლომინაძე, ზურიკო დავითაშვილი, გიორგი გულიაშვილი, გიორგი კვერნაძე, ბუდუ ზივზივაძე, გიორგი ქვილითაია. საქართველოს ნაკრები სრული შემადგენლობით 11 ნოემბერს შეიკრიბება.  წლის ბოლო საშინაო მატჩს, ჩვენი გუნდი 15 ნოემბერს, დინამო არენაზე, ესპანეთის წინააღმდეგ გამართავს. 18 ნოემბერს კი, ნაკრები ბულგარეთს სოფიაში ესტუმრება.  საქართველოს ნაკრების შემადგენლობა მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (პაოკი, საბერძნეთი), დავით კერესელიძე (დილა, გორი) მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია) გიორგი გოჩოლეიშვილი (ჰამბურგი, გერმანია), საბა გოგლიჩიძე (უდინეზე, იტალია), ალექსანდრე ნარიმანიძე (ჟილინა, სლოვაკეთი) ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), შოთა ნონიკაშვილი (ჩერკასი, უკრაინა), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო, ქუთაისი), გაბრიელ სიგუა (ლოზანა სპორტი, შვეიცარია), ნოდარ ლომინაძე (ეშტორილი, პორტუგალია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი აბუაშვილი (მეცი, საფრანგეთი), იური ტაბატაძე (კადისი, ესპანეთი), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი კვერნაძე (ფროზინონე, იტალია), გიორგი გულიაშვილი (სარაევო, ბოსნია-ჰერცეგოვინა), გიორგი ქვილითაია (არის ლიმასოლი, კვიპროსი)