საქართველოს 17-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის პირველ რაუნდში ასპარეზობა გამარჯვებით დაასრულა.
მონტენეგროს დამარცხების შემდეგ, სალომე ხუბულურის გუნდმა ლატვიას 5:2 სძლია და ჯგუფი 6 ქულით, მეორე ადგილზე დაასრულა. ლატვიასთან შეხვედრაში ჩვენი გუნდის ხუთივე გოლი ანანო წიქარიძემ გაიტანა.
ჯგუფის დასკვნით შეხვედრაში გამარჯვების შემდეგ, საქართველოს ნაკრები B ლიგის საუკეთესო მეორეადგილოსანია და ამ პოზიციის შენარჩნების შემთხვევაში, საკვალიფიკაციო ეტაპის მეორე რაუნდში A ლიგაში იასპარეზებს. B ლიგაში მხოლოდ მეორე ჯგუფის მატჩები დარჩა ჩასატარებელი. შეხვედრები 13-19 ნოემბერს გაიმართება.
