საქართველოს 16-წლამდე ვაჟთა ნაკრებმა, კიშინიოვში დასრულებულ უეფას განვითარების თასზე, მეორე ადგილი დაიკავა. ჩვენმა ასაკობრივმა, ჯგუფის ორი მატჩი მასპინძელ, მოლდოვასთან და აზერბაიჯანთან დათმო, ხოლო ესტონეთს - 4:0 სძლია. სანდრო კობახიძის 16-წლამდე ნაკრები შემოდგომაზე, 17-წლამდე ნაკრების ეგიდით, ევროპის ჩემპიონატის შესარჩევ ციკლში - ისლანდიას და საბერძნეთს უმასპინძლებს. 3-გუნდიანი ჯგუფიდან შემდეგ ეტაპზე თამაშს ორი გუნდი განაგრძობს. 14 აპრილი | ესტონეთი 0:4 საქართველო 16 აპრილი | აზერბაიჯანი 1:0 საქართველო 19 აპრილი | მოლდოვა 1:0 საქართველო

საქართველოს 16-წლამდე გოგონათა ნაკრებმა უეფას განვითარების თასზე იასპარეზა. 12-დან 18 აპრილის ჩათვლით, ალბანეთის დედაქალაქ ტირანაში ჩატარებული ტურნირის ფარგლებში, ჩვენმა გუნდმა სამი მატჩი გამართა.  მასპინძელ ალბანეთთან ჩატარებული სასტარტო შეხვედრის ძირითადი დრო ფრედ, 1:1 დასრულდა. ტურნირის ფორმატიდან გამომდინარე, შეხვედრის ფრედ დასრულების შემთხვევაში, გუნდები 11-მეტრიანების სერიას ასრულებენ, სადაც გამარჯვება მასპინძლებს დარჩათ.  მეორე მატჩი საქართველოს ნაკრებმა ჩრდილოეთ მაკედონიის ასაკობრივ გუნდთან მინიმალური ანგარიშით დათმო. ტურნირის დასკვნით შეხვედრაში საქართველოს ნაკრები ბულგარეთს შეხვდრა და ძირითად დროში დაფიქსირებული ფრის (2:2) შემდეგ, პენალტების სერიაში დამარცხდა.  შემადგენლობა და მატჩების გვერდები: ალბანეთი - საქართველო ჩრდ. მაკედონია - საქართველო საქართველო - ბულგარეთი

საქართველოს ფუტსალის ეროვნული ნაკრები ევროპის ჩემპიონატის საკვალიფიკაციო ეტაპის მეინ რაუნდის დასკვნით შეხვედრას 16 აპრილს გამართავს. ავთანდილ ასათიანის გუნდი, თბილისის ოლიმპიურ სასახლეში ჯგუფის დაუმარცხებელ ლიდერს, საფრანგეთის ნაკრებს უმასპინძლებს.  ჩვენმა გუნდმა მატჩისწინა ვარჯიში 15 აპრილს, მატჩის მასპინძელ დარბაზში ჩაატარა. საწვრთნელ პროცესში 15 ფეხბურთელი მონაწილეობდა.  საქართველო - საფრანგეთის მატჩი 16 აპრილს, 19:00 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ. მატჩზე დასწრება თავისუფალია.  საქართველოს ფუტსალის ნაკრებმა ევროპის ჩემპიონატის საკვალიფიკაციო ეტაპის პლეი-ოფში თამაშის უფლება 11 აპრილს, კოსოვოსთან გამარჯვებით მოიპოვა.  საქართველოს ნაკრების შემადგენლობა მეკარეები: თორნიკე ბუკია (ნიუ-ვიჟენ ჯორჯიანსი, თბილისი), ბექა ტყემალაძე (ნიუ-ვიჟენ ჯორჯიანსი, თბილისი), ლუკა ხარშილაძე (დინამო თბილისი) წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), არჩილ სებისკვერაძე (გომელი, ბელარუსი), ირაკლი თოდუა (ნიუ-ვიჟენ ჯორჯიანსი), ვახტანგ ჯვარაშვილი (ნიუ-ვიჟენ ჯორჯიანსი), ნიკა ხარატიშვილი (კსუ), ნიკოლოზ გაბრიჩიძე (ნიუ-ვიჟენ ჯორჯიანსი), ნუკრი ჭუმბრუიძე (არმია), საბა ტყეშელაშვილი (კსუ), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი) {"preview_thumbnail":"/files/styles/video_embed_wysiwyg_preview/public/video_thumbnails/SV0mOOP_r5w.jpg?itok=bTttSdTB","video_url":"https://youtu.be/SV0mOOP_r5w","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}