საქართველო 0:4 პორტუგალია საქართველოს ახალგაზრდულმა ნაკრებმა უეფას 21-წლამდე ევროპის ჩემპიონატზე ასპარეზობა დაასრულა. ჯგუფური ეტაპის დასკვნით შეხვედრაში ჩვენი გუნდი პორტუგალიის ნაკრებთან დამარცხდა. მე-5 წუთზე მიღებული წითელი ბარათის გამო, მოედანი ნაადრევად ლაშა ოდიშარიამ დატოვა, რის გამოც ჩვენმა გუნდმა მთელი მატჩი რიცხობრივ უმცირესობაში გაატარა.  ჯგუფის მეორე მატჩში საფრანგეთის ნაკრებმა პოლონეთს 4:1 სძლია და პორტუგალიასთან ერთად 1/4-ფინალის საგზური მოიპოვა. საქართველოს ნაკრებმა ჯგუფი სამი ქულით მესამე ადგილზე დაასრულა.  რამაზ სვანაძე (21-წლამდე ნაკრების მთავარი მწვრთნელი): "წითელმა ბარათმა მთლიანად შეცვალა ჩვენი გეგმები. პორტუგალიას ნაკრების ძალაზე ბევრს არ ვისაუბრებ. მეტოქე ძალიან ძლიერი იყო და მინდა მათ ჩემპიონობა ვუსურვო. პორტუგალიამ იცის, თუ როგორ გამოიყენოს რიცხობრივი უპირატესობა, რომელიც შეხვედრის დასაწყისში მიიღო. გაძევების შემდეგ დასანანი გოლი მივიღეთ, რამაც კიდევ უფრო დაამძიმა ჩვენი მდგომარეობა. ყველაფერმა ერთად იჩინა თავი - დაღლილობა, ემოციებმა.  დღეს დიდი გაკვეთილი მივიღეთ. მინდა ვთქვა, რომ ეს თაობა შედგა, როგორც წარმატებული გუნდი, რომელმაც ისტორიაში პირველად მოიპოვა ევროპის ჩემპიონატის საგზური. ველით მომავალ თაობას და ვიმედოვნებ, რომ ამ გუნდიდან ბევრი შეაღებს ეროვნული ნაკრების კარს. ვიბრძოლებთ, რომ კიდევ ერთხელ მოვხვდეთ ევროპის ჩემპიონატზე, რადგან ეს სჭირდება მომავალ თაობას და ქართულ ფეხბურთს. ევროპის ჩემპიონატზე ღირსეულად ვიასპარეზეთ. ბოლო ტურამდე გვქონდა ჯგუფიდან გასვლის შანსი. ბევრ რამეზე მწყდება გული, თუმცა ყველაზე მეტად იმაზე, რომ არ ვიყავით ჩვენი თავის საუკეთესო ვერსია. ეს ფაქტია და ამას აქვს ობიექტური მიზეზები. ევროპის ჩემპიონატის დაწყებამდე დავკარგეთ ძირითადი შემადგენლობის სამი მცველი. ამას დაემატა საზონოვის ჯერ გმირობა და შემდეგ ტრავმა. დღეს, მისი ადგილი იაკობიძემ დაიკავა და საკმაოდ კარგად ითამაშა. სამწუხაროდ, გუნდის ლიდერებს, რომელთაც დიდი როლი აქვთ ევროპის ჩემპიონატის საგზურის მოპოვებაში, დაეტყოთ უთამაშებლობა. მათ აუცილებლად უნდა დაიწყონ თამაში. ეს სჭირდებათ მათ და ზოგადად ქართულ ფეხბურთს. მინდა განსაკუთრებული მადლობა გადავუხადო ჩვენს გულშემატკივარს. ისინი ყოველთვის ჩვენს გვერდით არიან და მათ მხარდაჭერას ყველგან ვგრძნობთ". {"preview_thumbnail":"/files/styles/video_embed_wysiwyg_preview/public/video_thumbnails/KfdEqD8o6ng.jpg?itok=zfrs5bTY","video_url":"https://www.youtube.com/watch?v=KfdEqD8o6ng","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს ახალგაზრდული ნაკრების მცველმა, საბა საზონოვმა 21-წლამდე ევროპის ჩემპიონატზე ასპარეზობა დაასრულა.  საფრანგეთთან მატჩში მიღებული ტრავმის გამო, ქართველმა ფეხბურთელმა ტურნირი ნაადრევად დატოვა. ფეხბურთელის ტრავმის ხარისხი ეროვნული ნაკრების და კლუბის სამედიცინო შტაბებს შორის კოორდინაციის შედეგად, რამდენიმე დღეში დაზუსტდება. ალექსანდრე იაშვილი (სფფ-ის ვიცე-პრეზიდენტი): "მინდა მადლობა გადავუხადო საბა საზონოვს თავდაუზოგავი შრომისთვის და თავდადებისთვის. მისი დამოკიდებულება ეროვნული ნაკრების მიმართ, ნათელი მაგალითია ყველასთვის, თუ რას ნიშნავს საკუთარი ქვეყნის მაისურით თამაში".  საბა საზონოვმა 21-წლამდე ევროპის ჩემპიონატის ორ შეხვედრაში მიიღო მონაწილეობა და საფრანგეთთან შეხვედრაში თავი გოლით გამოიჩინა. 

საქართველოს ახალგაზრდული ნაკრები უეფას 21-წლამდე ევროპის ჩემპიონატის ჯგუფური ეტაპის დასკვნითი მატჩისთვის ემზადება.  17 ივნისს, რამაზ სვანიძის გუნდი პორტუგალიის ნაკრებს ტრენჩინში დაუპირისპირდება. მატჩისწინა ვარჯიში ჩვენმა გუნდმა ჟაბოკრეკის ბაზაზე გამართა. საწვრთნელი პროცესის დაწყებამდე გაიმართა ტრადიციული მატჩისწინა პრესკონფერენცია, სადაც მთავარ მწვრთნელთან ერთად მედიის კითხვებს გიორგი აბუაშვილმა უპასუხა.  რამაზ სვანაძე (21-წლამდე ნაკრების მწვრთნელი): "განწყობა ძალიან კარგია. სხვანაირად არც შეიძლება იყოს, რადგან ვიმყოფებით ევროპის ჩემპიონატზე. ვთამაშობთ ძალიან მაღალი დონის თამაშებს და ჯგუფური ეტაპის ბოლო ტურის წინ გვაქვს რეალური შანსი, რომ კიდევ ერთხელ გავაკეთოთ დიდი საქმე ქვეყნისთვის და გავახაროთ ჩვენი გულშემატკივრები. მხოლოდ საკუთარ თავზე ვართ დამოკიდებულები.  ამ ნაკრებმა ბევრი რამ დაამტკიცა. მათ შორის ის, რომ ეს გუნდი უკვე შედგა. მიუხედავად იმისა, თუ რა ანგარიშით დასრულდება ხვალინდელი შეხვედრა. ისევე როგორც წინა თაობა იყო წარმატებული, ეს თაობაც ერთ-ერთი ყველაზე წარმატებულია ახალგაზრდული ნაკრების ისტორიაში. ხვალ, ყველაფერი გაკეთდება იმისთვის, რომ ურთულეს მეტოქესთან დავაფიქსიროთ სასურველი შედეგი. მინდა ვნახო მოედანზე გუნდი, რომელიც ბოლო ორი წლის განმავლობაში გვყავდა. ის ფილოსოფია და მენტალობა, რომელიც სულ გვქონდა. წინა თამაშებმა ძალიან დიდი ენერგია წაიღო და დღესაც აღდგენის პროცესი მიმდინარეობს. გვყავს ფეხბურთელთა ჯგუფი, რომელიც ამ რიტმში თამაშს არ არის შეჩვეული. თუმცა, ხვალ ისეთი დღეა, რომ თითოეული ჩვენგანი საკუთარ თავს უნდა გადაახტეს და ვეცდებით, რომ ეს გავაკეთოთ".  გიორგი აბუაშვილი (21-წლამდე ნაკრების წევრი): "ყველაფერს გავაკეთებთ, რომ ის ხასიათი გამოვავლინოთ ხვალინდელ შეხვედრაში, რაც ყოველთვის ჰქონდა ამ ნაკრებს. გვინდა, მოედანზე გავიდეთ და ღირსეულად წარმოვაჩინოთ ჩვენი ქვეყანა. რთულია, ამ ინტენსივობით თამაში, თუმცა ხვალაც ანალოგიურ თამაშს ველოდებით და მზად ვართ როგორც მენტალურად, ისე ფიზიკურად. ვიცით მეტოქის ძლიერი და სუსტი მხარეები. ყველაფერს გავაკეთებთ, რომ დაშვებული შეცდომებით გამოვასწოროთ, მოვიგოთ და ჯგუფიდან გავიდეთ". საქართველო - პორტუგალიის მატჩი 17 ივნისს, თბილისის დროით 20:00 საათზე დაიწყება. მატჩის პირდაპირ რეპორტაჟს Setanta Sports Georgia შემოგთავაზებთ.  {"preview_thumbnail":"/files/styles/video_embed_wysiwyg_preview/public/video_thumbnails/E0Z5q5I6Dmw.jpg?itok=mUUoJNVf","video_url":"https://youtu.be/E0Z5q5I6Dmw","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} U21 | შემადგენლობა მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი). მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (პოლისია ჟიტომირი, უკრაინა), ლადო ოდიშვილი (თელავი), საბა საზონოვი (ემპოლი, იტალია), ირაკლი აზაროვი (დონეცკის შახტარი, უკრაინა). ნახევარმცველები: ოთარ მამაგეიშვილი (ფამალიკაო, პორტუგალია), ლუკა გაგნიძე (კრილია სოვეტოვი, რუსეთი), ირაკლი იეგოიანი (ვიტესი, ნიდერლანდები), ნოდარ ლომინაძე (დინამო თბილისი), გაბრიელ სიგუა (ბაზელი, შვეიცარია), ლევან ოსიყმაშვილი (ჰაპოელ ჰადერა, ისრაელი), თორნიკე მორჩილაძე (დინამო თბილისი). თავდამსხმელები: გიორგი კვერნაძე (ფროზინონე, იტალია), ვასილიოს გორდეზიანი (სარაევო, ბოსნია და ჰერცეგოვინა), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა, ლატვია).

საფრანგეთი 3:2 საქართველო საქართველოს ახალგაზრდულმა ნაკრებმა უეფას 21-წლამდე ევროპის ჩემპიონატზე მეორე მატჩი საფრანგეთის წინააღმდეგ ჩაატარა. ჟილინაში გამართული დრამატული შეხვედრა მეტოქის გამარჯვებით, 3:2 დასრულდა.  პირველი ტაიმი საფრანგეთმა მატის ტელის პენალტით მოიგო. საქართველოს ნაკრებმა ანგარიში 76-ე წუთზე გაათანაბრა. ვასილიოს გორდეზიანის პასით გოლი გიორგი აბუაშვილმა გაიტანა. 84-ე წუთზე საქართველოს ნაკრები საბა საზონოვის გოლით დაწინაურდა, რასაც ფრანგებმა 5 წუთში ჟოან ლეპენანის ზუსტი დარტყმით უპასუხეს. მეტოქემ გამარჯვება მსაჯის მიერ კომპენსირებულ მე-12 წუთზე ტიერნო ბარის გოლით მოიპოვა.  რამაზ სვანაძე (21-წლამდე ნაკრების მთავარი მწვრთნელი): "დრამატული თამაში იყო, განსაკუთრებით ბოლო წუთები. ვამაყობ ჩემი ფეხბურთელებით, ჩემი გუნდით და ყველაფრით, რაც ჩვენს თავს ხდება ბოლო წლების განმავლობაში. ძალიან დასანანი მარცხი იყო, თუმცა რეალურად თავი იჩინა იმ პრობლემებმა, რაც თავიდანვე მოსალოდნელი იყო. სათამაშო პრაქტიკის ნაკლებობის გამო, ბევრი ფეხბურთელი არ არის სათანადო კონდიციაში, თუმცა ისინი ძალიან ნიჭიერები და მამაცები არიან. წარმოუდგენლად ძლიერი ხასიათი აქვთ. მინდა გამოვყო საბა საზონოვის თავდადება და პატრიოტიზმი. ჩემზე კარგად არავინ იცის, თუ რა რთულია მისთვის ხანგრძლივი პაუზის შემდეგ ასეთ დონეზე შეუცვლელად თამაში. საფრანგეთი ძალიან მაღალი დონის გუნდია და შეცდომები არ გვაპატიეს. მესამე გოლი ზუსტად იმ ზონიდან გავიდა, სადაც ბოლო წუთებზე ფეხბურთელი დავკარგეთ და სამწუხაროდ ცვლილების შესაძლებლობა აღარ გვქონდა. ასევე, კომპენსირებულ დროზე გაცილებით მეტი, 12-13 წუთი ვითამაშეთ. მარცხი სამწუხაროა, მაგრამ ბოლო ტურის წინ ჯგუფიდან გასვლის შანსი გვაქვს. მხოლოდ საკუთარ თავზე ვართ დამოკიდებულები. მთავარია, ძალები აღვიდგინოთ, რადგან ხასიათი და ბრძოლისუნარიანობა აუცილებლად გვექნება. ყველაფერი გაკეთდება იმისთვის, რომ არანაკლებად ძლიერ პორტუგალიას სრულ მზადყოფნაში შევხვდეთ".  {"preview_thumbnail":"/files/styles/video_embed_wysiwyg_preview/public/video_thumbnails/GXEiEdHYCq8.jpg?itok=s8aF3g6Y","video_url":"https://youtu.be/GXEiEdHYCq8","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} ჯგუფის მეორე შეხვედრაში პორტუგალიამ პოლონეთს 5:0 სძლია. ორი ტურის შემდეგ, საქართველოს ნაკრებს 3 ქულა აქვს და მესამე პოზიციაზეა. ჯგუფური ეტაპის დასკვნით შეხვედრაში ჩვენი მეტოქე პორტუგალია იქნება. მატჩი 17 ივნისს, ტრენჩინში გაიმართება და თბილისის დროით 20:00 საათზე დაიწყება.

საქართველოს ახალგაზრდული ნაკრები უეფას 21-წლამდე ევროპის ჩემპიონატის მეორე მატჩისთვის ემზადება.  14 ივნისს, რამაზ სვანაძის გუნდი ჟილინაში საფრანგეთის ნაკრებს დაუპირისპირდება. მატჩისწინა პრესკონფერენციაზე, რომელიც თამაშის მასპინძელ სტადიონზე გაიმართა, მედიის 21-წლამდე ნაკრების მთავარმა მწვრთნელმა, რამაზ სვანაძემ და ნაკრების შემტევმა, ლაშა ოდიშარიამ უპასუხეს.  რამაზ სვანაძე (21-წლამდე ნაკრების მთავარი მწვრთნელი): "პოლონეთთან გამარჯვების შემდეგ გუნდში დადებითი განწყობაა. ძალიან მნიშვნელოვანი 3 ქულა მოვიპოვეთ. სატურნირო მდგომარეობიდან გამომდინარე ჩვენთვის ეს ბევრს ნიშნავდა, თუმცა უნდა გამოვყო, რომ ბოლო წამებზე მოპოვებულ გამარჯვებას კიდევ უფრო მეტი დადებითი ემოცია ახლავს. მაქსიმალურად ვეცადეთ და ძალები აღვიდგინეთ. გუნდში საბრძოლო განწყობაა. არც ტრავმების მხრივ გვაქვს მნიშვნელოვანი პრობლემები. ხვალინდელი თამაშისთვის მზად ვართ, დანარჩენი კი მინდორზე გამოჩნდება.  მიუხედავად მცირე დისკომფორტისა, ნოდარ ლომინაძე თამაშისთვის მზად არის. 23 ფეხბურთელით ჩამოვედით და ყველას აქვს მოედანზე გასვლის შანსი. თითოეული მოთამაშის იმედი მაქვს და მწამს. ნებისმიერი ფეხბურთელის მოედანზე გასვლა დამოკიდებულია თამაშის შინაარსზე და კონკრეტულ სიტუაციაში არსებულ საჭიროებებზე.  ისეთი მეტოქე გვყავს, რომ ზედმეტი მოტივაცია არ გვჭირდება. ყველას გააზრებული აქვს, თუ ვისთან გვაქვს თამაში. ამ შეხვედრაში ყველაფრის სწორად დაგეგმვის და შესრულების შემთხვევაში, სულ სხვა ასპარეზი იშლება ჩვენს წინაშე როგორც გუნდურად, ისე თითოეული ფეხბურთელისთვის".  ლაშა ოდიშარია (21-წლამდე ნაკრების მთავარი მწვრთნელი): "ევროპის ჩემპიონატზე, ასეთი დონის გუნდის წინააღმდეგ საქართველოს ნაკრების მაისურით თამაში დიდი პრივილეგია და მოტივაციაა. ჩვენთვის არ აქვს მნიშვნელობა ვის წინააღმდეგ გავდივართ მოედანზე. ჩვენი თამაში უნდა ვითამაშოთ. მიუხედავად გარკვეული დანაკლისისა, მეტოქეს მაინც ვარსკვლავური შემადგენლობა ჰყავს. ეს გამოწვევაა ჩვენთვის. ნებისმიერი ფეხბურთელისთვის კარგია ასეთი მაღალი დონის მეტოქის წინააღმდეგ თამაში". {"preview_thumbnail":"/files/styles/video_embed_wysiwyg_preview/public/video_thumbnails/eLkBK226nGE.jpg?itok=bUJikUCC","video_url":"https://youtu.be/eLkBK226nGE","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} მატჩისწინა ვარჯიში საქართველოს 21-წლამდე ნაკრებმა ჟაბოკრეკის საწვრთნელ ბაზაზე გამართა. ჩვენმა გუნდმა სრული შემადგენლობით ივარჯიშა.  საფრანგეთი - საქართველოს მატჩი 14 ივნისს, თბილისის დროით 23:00 საათზე დაიწყება. მატჩის პირდაპირ რეპორტაჟს Setanta Sports Georgia შემოგთავაზებთ.  U21 | შემადგენლობა მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი). მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (პოლისია ჟიტომირი, უკრაინა), ლადო ოდიშვილი (თელავი), საბა საზონოვი (ემპოლი, იტალია), ირაკლი აზაროვი (დონეცკის შახტარი, უკრაინა). ნახევარმცველები: ოთარ მამაგეიშვილი (ფამალიკაო, პორტუგალია), ლუკა გაგნიძე (კრილია სოვეტოვი, რუსეთი), ირაკლი იეგოიანი (ვიტესი, ნიდერლანდები), ნოდარ ლომინაძე (დინამო თბილისი), გაბრიელ სიგუა (ბაზელი, შვეიცარია), ლევან ოსიყმაშვილი (ჰაპოელ ჰადერა, ისრაელი), თორნიკე მორჩილაძე (დინამო თბილისი). თავდამსხმელები: გიორგი კვერნაძე (ფროზინონე, იტალია), ვასილიოს გორდეზიანი (სარაევო, ბოსნია და ჰერცეგოვინა), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა, ლატვია).

პოლონეთი 1:2 საქართველო ახალგაზრდულმა ნაკრებმა ევროპის 21-წლამდე ჩემპიონატი გამარჯვებით დაიწყო. რამაზ სვანაძის გუნდმა პირველი ტურის შეხვედრაში პოლონეთის ნაკრები დაამარცხა.  ჟილინაში ჩატარებული მატჩის პირველი ნახევარი გატანილი გოლების გარეშე დასრულდა. მეორე ტაიმის დებიუტში ანგარიში საქართველოს ნაკრებმა ნოდარ ლომინაძის გოლით გახსნა. მეტოქემ 73-ე წუთზე, კალუზინსკის მიერ შესრულებული პენალტით გაათანაბრა. მატჩის ბედი 93-ე წუთზე გადაწყდა, როდესაც გიორგი მაისურაძის პასით, ვასილიოს გორდეზიანმა გამარჯვების გოლი გაიტანა. ჯგუფის მეორე მატჩი, საფრანგეთსა და პორტუგალიის ნაკრებებს შორის ფრედ, 0:0 დასრულდა.  რამაზ სვანაძე (21-წლამდე ნაკრების მთავარი მწვრთნელი): "ძალიან მნიშვნელოვანი თამაში მოვიგეთ. ამ დროისთვის ლომინაძის ტრავმა სერიოზული არ ჩანს. იყო მცირე პრობლემა, რომელიც მოსალოდნელი იყო, რადგან მას ბოლო რამდენიმე დღის განმავლობაში პაუზა ჰქონდა.  ჩვენთვის მთავარია რაც შეიძლება სწრაფად, მოკლე დროში მოხდეს ძალების აღდგენა. დღევანდელმა თამაშმა დიდი ენერგია წაგვართვა. გვყავს ფეხბურთელები, რომლებმაც ძალიან დიდი ხნის შემდეგ, დიდი დატვირთვით ითამაშეს. ამიტომ, მნიშვნელოვანია ძალები რაც შეიძლება სწრაფად აღვიდგინოთ.   არ შეიძლება არ გამოვყო საბა საზონოვის თამაში, რადგან ძალიან დიდი პაუზის შემდეგ ითამაშა 90 წუთი. ითამაშა მაშინ, როდესაც მისთვის არ შეიძლებოდა ასეთი დატვირთვა და ეს ძალიან დასაფასებელია.  პოლონეთის ნაკრებისგან რასაც ველოდით, სწორედ ის ვნახეთ. ეს იყო სწრაფი, აგრესიული, სტანდარტულებზე კარგად მოთამაშე გუნდი. თამაშს ვაკონტროლებდით. იყო მცირე მონაკვეთი გაშვებული გოლის შემდეგ, როდესაც თამაშის სადავეები ხელიდან გავუშვით. თუმცა, კარგია, რომ ეს მცირე დროით მოხდა. საერთო ჯამში, მადლობელი ვარ ფეხბურთელების, რადგან თითოეული დავალება ზედმიწევნით შეასრულეს". ევროპის ჩემპიონატის მეორე ტურის შეხვედრას საქართველოს ნაკრები 14 ივნისს, საფრანგეთის ნაკრების წინააღმდეგ გამართავს. შეხვედრა ჟილინაში გაიმართება და თბილისის დროით 23:00 საათზე დაიწყება.  {"preview_thumbnail":"/files/styles/video_embed_wysiwyg_preview/public/video_thumbnails/K0UrxJAELq0.jpg?itok=caW9I1en","video_url":"https://youtu.be/K0UrxJAELq0","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

საქართველოს 21-წლამდე ნაკრებმა ჟილინაში მატჩისწინა ვარჯიში გამართა...

საქართველოს 21-წლამდე ნაკრებმა, დღეს, სლოვაკეთში პირველი ვარჯიში გამართა. რამაზ სვანაძის გუნდმა, ჟაბოკრეკის სლოვანის სტადიონზე სრული შემადგენლობით ივარჯიშა.

საქართველოს ახალგაზრდული ნაკრები, ევროპის ჩემპიონატისთვის მოსამზადებელ შეკრებას 8 ივნისის ჩათვლით ავსტრიაში, დაბა ვენიგცელში გადის. დღეს, 21-წლამდელებს...

საქართველოს ახალგაზრდული ნაკრები, ევროპის ჩემპიონატისთვის მოსამზადებელ შეკრებას...

საქართველოს ახალგაზრდულმა ნაკრებმა, დღეს, ფორაუს ურკრაფტ არენაზე ევროპის...

საქართველოს 21-წლამდე ნაკრები, 11 ივნისს, ევროპის 2025 წლის 21-წლამდე ევროპის ჩემპიონატზე...