5 ივნისს, ნიონში, 17 და 19-წლამდე გოგონათა ნაკრებების ევროპის ჩემპიონატის საკვალიფიკაციო ეტაპის პირველი რაუნდის წილისყრა გაიმართა. საქართველოს 17-წლამდე ნაკრები B ლიგის მესამე ჯგუფში მოხვდა. ჩვენი გუნდის მეტოქეები ბოსნია და ჰერცეგოვინა, ლატვია და ყაზახეთი იქნებიან. მატჩები 22-28 ოქტომბერს ყაზახეთში გაიმართება.  B ლიგაის მეხუთე ჯგუფში ითამაშებს 19-წლამდე ნაკრები, რომელიც სლოვენიას, ჩრდილოეთ მაკედონიას და აზერბაიჯანს დაუპირისპირდება. მატჩები 25 ნოემბრიდან 1 დეკემბრის ჩათვლით ჩატარდება. ჯგუფს ჩრდილოეთ მაკედონია უმასპინძლებს. 

საქართველო 1:2 ბულგარეთი საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპზე ასპარებოა დაასრულა.  B ლიგის მეორე რაუნდის დასკვნით შეხვედრაში ჩვენი გუნდი ჯგუფის მასპინძელ ბულგარეთთან მინიმალური სხვაობით, 1:2 დამარცხდა. საქართველოს ნაკრების რიგებში გოლი ლიზი გოგალაძემ 91-ე წუთზე გაიტანა.  მეორე რაუნდის პირველი მატჩი ჩვენმა გუნდმა ლუქსემბურგთან ფრედ (1:1) ითამაშა, ხოლო ლიხტენშტაინის ნაკრებს 2:0 სძლია და B1 ჯგუფში ასპარეზობა 4 ქულით დაასრულა. 

საქართველო 2:0 ლიხტენშტაინი  საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის B ლიგის მეორე რაუნდის მეორე მატჩი გამართა.  ლავრენტი დავითაშვილის გუნდმა ლიხტენშტაინის ნაკრებს ორი უპასუხო გოლი გაუტანა და პირველი გამარჯვება მოიპოვა. საქართველოს ნაკრებმა მეტოქე ლიზი კანკიას და ელენე ბოლქვაძის გოლებით დაამარცხა. ორი ტურის შემდეგ საქართველოს ნაკრებს 4 ქულა აქვს და ჯგუფის მასპინძელ ბულგარეთს 2 ქულით ჩამორჩება. დასკვნით შეხვედრას ჩვენი გუნდი სწორედ ბულგარეთის წინააღმდეგ გამართავს და გამარჯვების შემთხვევაში A ლიგის საგზურს მოიპოვებს. მატჩი 8 აპრილს, თბილისის დროით 13:00 საათზე დაიწყება. 

ლუქსემბურგი 1:1 საქართველო საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის ბ ლიგის მეორე რაუნდის პირველი მატჩი გამართა.  ლავრენტი დავითაშვილის გუნდმა სასტარტო შეხვედრა ლუქსემბურგის ნაკრების წინააღმდეგ ფრედ დაასრულა. საქართველოს ნაკრების რიგებში გოლი ნინიკო ჩხეტიანმა გაიტანა.  მომდევნო შეხვედრას საქართველოს 19-წლამდე გოგონათა ნაკრები ლიხტენშტაინის წინააღმდეგ 5 აპრილს გამართავს, ხოლო 8 აპრილს, ჯგუფის მასპინძელ ბულგარეთს დაუპირისპირდება. ა ლიგის საგზურს ბ ლიგის ექვსი ჯგუფის გამარჯვებულებთან ერთად, ერთი საუკეთესო მეორეადგილოსანი მოიპოვებს. 

საქართველოს 19-წლამდე გოგონათა ნაკრები ევროპის ჩემპიონატის საკვალიფიკაციო ეტაპის B ლიგის მეორე რაუნდში იასპარეზებს. ლავრენტი დავითაშვილის გუნდი შესარჩევი მატჩებისთვის სფფ-ის რუსთავის ტექნიკურ ცენტრში ემზადება.  საკვალიფიკაციო ეტაპის მატჩები 2-8 აპრილს, ბულგარეთში გაიმართება. ჩვენი გუნდი ჯგუფის მასპინძელ ბულგარეთს, ლუქსემბურგს და ლიხტენშტაინს დაუპირისპირდება. ა ლიგის საგზურს ბ ლიგის ექვსი ჯგუფის გამარჯვებულებთან ერთად, ერთი საუკეთესო მეორეადგილოსანი მოიპოვებს.  მოახლოებული მატჩებისთვის საქართველოს 19-წლამდე გოგონათა ნაკრები 20 ფეხბურთელით ემზადება.  {"preview_thumbnail":"/files/styles/video_embed_wysiwyg_preview/public/video_thumbnails/MR6MjkpqXLU.jpg?itok=wowi5ZDz","video_url":"https://youtu.be/MR6MjkpqXLU","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]} საქართველოს ნაკრების შემადგენლობა მეკარე: სალომე ხაჭაპურიძე (ელიტა), ანანო სიგუა (ნიკე-ლუსო), ნინო მეტრეველი (რუსთავი) დაცვა: ლიზი ლომოური (ახალგორი), ლოლიტა კალოიანი (რუსთავი), ნათია ცეცხლაძე (კვარტალი), ელენე ბოლქვაძე (ბათუმი), თამუნა ლონდარიძე (ნორჩები), მარიამ კაკულია (ელიტა), ლიზი გოგალაძე (კვარტალი) ნახევარდაცვა/თავდასხმა: ანანო მიქაბერიძე (რუსთავი), მარიამ მამფორია (რუსთავი), ნინი ბერიძე (კვარტალი), ელენე ჩიქოვანი (ნიკე-ლუსო), ლიზი კანკია (კვარტალი), ნინიკო ჩხეტიანი (რუსთავი), ანა საღირაშვილი (ნორჩები), ლიზი კაკულია (დინამო სოხუმი), მარიამ გოგოლაძე (დინამო სოხუმი), ანასტასია ბუჩუკური (ნიკე-ლუსო) მატჩების განრიგი 2 აპრილი | ლუქსემბურგი - საქართველო | 17:00 5 აპრილი | საქართველო - ლიხტენშტაინი | 17:00 8 აპრილი | საქართველო - ბულგარეთი | 17:00

6 დეკემბერს, ნიონში, 17 და 19-წლამდე გოგონათა ნაკრებების ევროპის ჩემპიონატის საკვალიფიკაციო ეტაპის მეორე რაუნდის წილისყრა გაიმართა. საქართველოს 17-წლამდე ნაკრები ისტორიაში პირველად იასპარეზებს A ლიგაში. სალომე ხუბულურის გუნდი მესამე ჯგუფში მოხვდა იტალიის, ჩეხეთის და ხორვატიის ნაკრებებთან ერთად. ევროპის ჩემპიონატის ფინალური ეტაპის საგზურს ჯგუფის გამარჯვებული მოიპოვებს. ბოლო ადგილზე გასული გუნდი კი, B ლიგაში გადაინაცვლებს. ჩვენი ჯგუფის მატჩებს ხორვატია 8-დან 14 მარტის ჩათვლით უმასპინძლებს.  B ლიგაში ითამაშებს საქართველოს 19-წლამდე გოგონათა ნაკრები. ჩვენი გუნდი პირველ ჯგუფში მოხვდა, სადაც საქართველოს ნაკრების მეტოქეები ბულგარეთი, ლუქსემბურგი და ლიხტენშტაინი იქნებიან. A ლიგაში ჯგუფების გამარჯვებულებთან ერთად, საუკეთესო მეორეადგილოსანი აღზევდება. ჯგუფის მატჩები 2-დან 8 აპრილის ჩათვლით ბულგარეთში გაიმართება. 

საქართველი 4:0 ლიეტუვა  საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის პირველ რაუნდში ასპარეზობა გამარჯვებით დაასრულა.  ჯგუფის დასკვნით შეხვედრაში, ლავრენტი დავითაშვილის გუნდმა ლიეტუვის ნაკრები 4:0 დაამარცხა. საქართველოს ნაკრებმა, რომელიც 35-ე წუთიდან 10 ფეხბურთელით თამაშობდა, პირველ ტაიმში სამბურთიანი უპირატესობა კანკიას, ხელაშვილის და ბუხრიკიძის გოლებით მოიპოვა. მატჩის მიწურულს, ბუხრიკიძემ დუბლი შეასრულა და შეხვედრის საბოლოო ანგარიში დააფიქსირა.  შეგახსენებთ, რომ პირველ შეხვედრაში საქართველოს ნაკრებმა ჯგუფის მასპინძელი ბოსნია და ჰერცეგოვინა დაამარცხა და ტურნირი 6 ქულით მეორე ადგილზე დაასრულა. 

უელსი 4:0 საქართველო საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპზე მეორე მატჩი გამართა. ბ ლიგის პირველი რაუნდის მეორე შეხვედრაში ჩვენი გუნდი უელსის ნაკრებთან დამარცხდა.  პირველი რაუნდის დასკვნით შეხვედრას საქართველოს ნაკრები 2 დეკემბერს, ლიეტუვის ნაკრების წინააღმდეგ, 16:00 საათზე გამართავს.  შეგახსენებთ, რომ ტურნირის სასტარტო შეხვედრაში, საქართველოს 19-წლამდე ნაკრებმა ჯგუფის მასპინძელი ბოსნია და ჰერცეგოვინა დაამარცხდა. პირველი რაუნდის შემდეგ, ა ლიგაში ბ ლიგის ჯგუფების გამარჯვებულებთან ერთად საუკეთესო მეორეადგილოსანი გადავა. 

ბოსნია და ჰერცეგოვინა 0:1 საქართველო საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპი გამარჯვებით დაიწყო. ბ ლიგის პირველი რაუნდის სადებიუტო შეხვედრაში, ჯგუფის მასპინძელ ბოსნია-ჰერცეგოვინასთან ჩვენმა გუნდმა მინიმალური ანგარიშით მოიგო.  მატჩის ერთადერთი გოლი მე-3 წუთზე კესო მეტონიძემ გაიტანა. მომდევნო შეხვედრას საქართველოს ნაკრები 29 ნოემბერს, უელსის წინააღმდეგ გამართავს, ხოლო 2 დეკემბერს, ლავრენტი დავითაშვილის გუნდი ლიეტუვას დაუპირისპირდება.  პირველი რაუნდის შემდეგ, ა ლიგაში ბ ლიგის ჯგუფების გამარჯვებულებთან ერთად საუკეთესო მეორეადგილოსანი აღზევდება. 

საქართველოს 19-წლამდე გოგონათა ნაკრები ევროპის ჩემპიონატის საკვალიფიკაციო ეტაპის B ლიგის პირველ რაუნდში იასპარეზებს. ლავრენტი დავითაშვილის გუნდი შესარჩევი მატჩებისთვის სფფ-ის ტექნიკურ ცენტრ ბასაზე ემზადება. საკვალიფიკაციო ეტაპის მატჩები 26 ნოემბერს დაიწყება და 2 დეკემბერს დასრულდება. ჩვენი გუნდი ჯგუფის მასპინძელ ბოსნია-ჰერცეგოვინას, უელსს და ლიეტუვას დაუპირისპირდება. ა ლიგაში ჯგუფების გამარჯვებულებთან ერთად საუკეთესო მეორეადგილოსანი აღზევდება.  მოახლოებული მატჩებისთვის საქართველოს 19-წლამდე გოგონათა ნაკრები 20 ფეხბურთელით ემზადება.  საქართველოს ნაკრების შემადგენლობა მეკარე: სალომე ხაჭაპურიძე (ნორჩი დინამო), ანანო სიგუა (რაჭა) დაცვა: მარიამ კაკულია (დინამო გაგრა), თამუნა ლონდარიძე (ნორჩი დინამო), ნატა კვირკვაია (ნიკე-ლუსო), ლიზი გოგალაძე (კვარტალი), ნათია ცეცხლაძე (ნიკე-ლუსო), ლოლიტა კალოიანი (რუსთავი) ნახევარდაცვა/თავდასხმა: ანა საგირაშვილი (ნორჩი დინამო), მარიამ მამფორია (რუსთავი), თინათინ ამბალია (კვარტალი), ლიზი კანკია (კვარტალი), ელენე ჩიქოვანი (ნიკე-ლუსო), ნათია ჯოჯუა (ნიკე-ლუსო), კესო მეტონიძე (რაჭა), ანანო მიქაბერიძე (რუსთავი), მარიამ ობოლაძე (ჰეგაუერი, გერმანია), სოფი ხელაშვილი (ოჰაიო პრემიერი, აშშ), ნინო ბუხრიკიძე (ნიკე-ლუსო), თაკო ბულია (კოლხეთი ხობი) მატჩების განრიგი 26 ნოემბერი | ბოსნია და ჰერცეგოვინა - საქართველო | 16:00 29 ნოემბერი | უელსი - საქართველო | 16:00 2 დეკემბერი | საქართველო - ლიეტუვა | 16:00 {"preview_thumbnail":"/files/styles/video_embed_wysiwyg_preview/public/video_thumbnails/2K5JlBnij4s.jpg?itok=cTXoEptA","video_url":"https://youtu.be/2K5JlBnij4s","settings":{"responsive":1,"width":"854","height":"480","autoplay":0},"settings_summary":["Embedded Video (Responsive)."]}

7 ივნისს, უეფაში 17 და 19-წლამდე გოგონათა ნაკრებების 2024/25 წლების სეზონის ევროპის ჩემპიონატის ა და ბ ლიგის საკვალიფიკაციო ეტაპის პირველი რაუნდის წილისყრა გაიმართა. საქართველოს 17-წლამდე ნაკრები ბ ლიგის პირველ ჯგუფში იასპარეზებს. ქართველ გოგონებთან ერთად ა ლიგაში გადასასვლელად სლოვაკეთის, მონტენეგროს და ლატვიის 17-წლამდე ნაკრებები იბრძოლებენ. ა ლიგაში ჯგუფების გამარჯვებულები და საუკეთესო მეორეადგილოსანი აღზევდება.  ბ ლიგაში ითამაშებს საქართველოს 19-წლამდე გოგონათა ნაკრები. ჩვენი გუნდი მესამე ჯგუფში მოხვდა, სადაც საქართველოს ნაკრების მეტოქეები ბოსნია და ჰერცეგოვინა, უელსი და ლიეტუვა იქნებიან. ა ლიგაში ჯგუფების გამარჯვებულებთან ერთად, საუკეთესო მეორეადგილოსანი აღზევდება.  ჯგუფების მასპინძლები და მატჩების ჩატარების თარიღები მოგვიანებით გახდება ცნობილი. 

შემადგენლობა და მატჩის გვერდი - საქართველო 1:5 ყაზახეთი საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის მეორე რაუნდში ასპარეზობა დაასრულა. დასკვნით შეხვედრაში ჩვენი გუნდი ყაზახეთის ნაკრებს დაუპირისპირდა. მიხეილ მესხი 2-ზე ჩატარებული შეხვედრა სტუმართა გამარჯვებით დასრულდა - 1:5. საქართველოს ნაკრების რიგებში გოლი ნატა კვირკვაიას ანგარიშზეა. საქართველოში ჩატარებული B ლიგის მე-5 ჯგუფის გამარჯვებული და A ლიგის საგზურის მფლობელი ჩრდილოეთ ირლანდიის ნაკრები გახდა.